News Update :

Sunday, February 17, 2019

TamilLetter

மசூத் அசாரை சர்வதேச பயங்கரவாதியாக அறிவிக்க துடிக்கும் இந்தியா


புல்வாமா தாக்குதலை நடத்திய ஜெய்ஷ்-இ-முகமது பயங்கரவாத அமைப்பின் தலைவர் மசூத் அசாரை சர்வதேச பயங்கரவாதியாக அறிவிப்பை தொடர்ந்து மறுக்கிறது.

ஜம்மு காஷ்மீரின் புல்வாமாவில் நடந்த தற்கொலை குண்டு வெடிப்பு தாக்குதலில் குறைந்தது 40 சி.ஆர்.பி.எப். வீரர்கள் உயிரிழந்துள்ளனர். பயங்கரவாத அமைப்பான ஜெய்ஷ்-இ-முகமது இத்தாக்குதலுக்கு பொறுப்பேற்றுள்ளது.

தமிழகத்தின் நெல்லை மாவட்டம் சீவலப்பேரியைச் சேர்ந்த சுப்பிரமணியன் என்பவரும் அரியலூர் மாவட்டம் கார்குடியைச் சேர்ந்த சிவ சந்திரன் என்பவரும் இத்தாக்குதலில் உயிர்த் தியாகம் செய்துள்ளனர்.

இத்தாக்குதலை நடத்திய ஜெய்ஷ்-இ-முகமது அமைப்பின் தலைவர் மசூத் அசார் 2016ஆம் ஆண்டு பதான்கோட் விமானப் படை தளத்தில் நடந்த தாக்குதல் உட்பட பல தாக்குதல்களுக்கு காரணமாக இருந்த முக்கிய பயங்கரவாதி. இவரை சர்வதேச பயங்கரவாதிகள் பட்டியலில் சேர்க்க இந்தியா முயற்சித்து வருகிறது.

இந்நிலையில், புல்வாமா தாக்குதல் குறித்து இரங்கல் தெரிவித்த சீன வெளியுறவுத்துறை செய்தித்தொடர்பாளர் ஜெங் சுஅங், "இந்த விவகாரத்தில் பயங்கரவாதிகள் பட்டியிலில் பெயரைச் சேர்ப்பது பற்றி பாதுகாப்பு கவுன்சிலின் 1267 கமிட்டி தெளிவாகக் கூறியிருக்கிறது. ஜெய்ஷ்-இ-முகமது அமைப்புக்கு பாதுகாப்பு கவுன்சில் தடை விதித்துள்ளது. சீன இந்த விவகாரத்தை ஆக்கப்பூர்வமாகவும் பொறுப்புணர்வோடும் கையாளும்" எனக் கூறியிருக்கிறார்.

2016 பதான்கோட் தாக்குதல் நடைபெற்றதன் எதிரொலியாகவே ஐ.நா.வின் பாதுகாப்பு கவுன்சிலின் சர்வதேச பயங்கரவாதிகள் பட்டியில் முசூத் அசாரைச் சேர்க்க இந்தியா வலியறுத்தியது. ஆனால், சீனா இதற்கு தொடர்ந்து எதிர்ப்பு தெரிவிக்கிறது.

ஐ.நா., பாதுகாப்பு கவுன்சிலில் உள்ள அனைத்து நாடுகளும் ஒப்புதல் வழங்கினால் மட்டுமே அந்தப் பட்டியலில் பெயரைச் சேர்க்க முடியும் என்ற நிலையில், சீனா அதற்கு விடாப்பிடியாக முட்டுக்கட்டை போடுகிறது.

1999ஆம் ஆண்டு வாஜ்பாய் பிரதமராக இருந்தபோது இந்தியன் ஏர்லைன்ஸ் விமானம் கடத்தப்பட்டது. அந்த விமானத்தில் பயணித்தவர்களை மீட்பதற்காக இந்தியா கைது செய்து வைத்திருந்த மசூத் அசார் உள்ளிட்ட மூன்று பயங்கரவாதிகளை விடுவித்தது நினைவூட்டத்தக்கது.

TamilLetter

About TamilLetter -

முக்கிய குறிப்பு: தமிழ்லெட்டர் நியூஸ் இணைய தளத்துக்கு அனுப்பி வைக்கப்படும் செய்திகள் அனைத்துக்கும் அனுப்பி வைப்பவர்களே பொறுப்பாளிகள் ஆவர். தவறான அல்லது பிறர் மனதை புண் படுத்தும் செய்திகளுக்கு தமிழ்லெட்டர் நியூஸ் பொறுப்பல்ல.
நிருவாகம்-