News Update :

Thursday, January 10, 2019

TamilLetter

303 தேசிய பாடசாலைகளில் அதிபர்கள் வெற்றிடம்!



இலங்கையில் உள்ள 359 தேசிய பாடசாலைகளில் 303 தேசிய பாடசாலைகளில் அதிபர் வெற்றிடங்கள் நிலவுவதாக இலங்கை ஆசிரியர் சங்கத்தின் பொது செயலாளர் ஜோசப் ஸ்டாலின் தெரிவித்துள்ளார்.

குறித்த 303 தேசிய பாடசாலைகளின் அதிபர் வெற்றிடங்களை நிரப்புவதற்காக விண்ணப்பம் கோரப்பட்டு, நேர்காணல் இடம்பெற்றுள்ளது. எனினும், நியமனங்கள் தற்போதுவரை வழங்கப்படவில்லை.

இதனால், 303 தேசிய பாடசாலைகளில் அதிபர்கள் இல்லை. கடமை நிறைவேற்று அதிபர்களே உள்ளனர்.

2012 மற்றும் 2014 ஆம் ஆண்டுகளில் தேசிய பாடசாலைகளின் அதிபர் சேவை வெற்றிடம் தொடர்பான விண்ணப்பம் கோரப்பட்டபோது, நியமனங்கள் வழங்கப்படவில்லை.

அந்த நிலைமை தற்போதும் தொடர இடமளிக்க முடியாது. எனவே, அதிபர் வெற்றிடங்களை நிரப்ப நடவடிக்கை மேற்கொள்ள வேண்டும் என ஜோசப் ஸ்டாலின் தெரிவித்துள்ளார்.

TamilLetter

About TamilLetter -

முக்கிய குறிப்பு: தமிழ்லெட்டர் நியூஸ் இணைய தளத்துக்கு அனுப்பி வைக்கப்படும் செய்திகள் அனைத்துக்கும் அனுப்பி வைப்பவர்களே பொறுப்பாளிகள் ஆவர். தவறான அல்லது பிறர் மனதை புண் படுத்தும் செய்திகளுக்கு தமிழ்லெட்டர் நியூஸ் பொறுப்பல்ல.
நிருவாகம்-