News Update :

Wednesday, August 30, 2017

TamilLetter

முஸ்லிம் காங்கிரஸ் கட்சியை முதல் முதலாக அட்டாளைச்சேனையில் அறிமுகப்படுத்தியவன் - சட்டத்தரணி எஸ்.எம்.ஏ. கபூர்


 

அட்டாளைச்சேனை மண்ணில் நடைபெறும் இந்த பிரமாண்டமான இப் பொதுக்கூட்டத்தைப் பார்க்கும்போது நான் மிகவும் பெருமிதமடைகிறேன்.  ஏனெனில் சுமார் 37 ஆண்டுகளுக்கு முன்பு அதாவது 1980ம் ஆண்டு இக்கட்சியை தோற்றுவித்தவர்களில் ஒருவனாக இருந்ததனால் இதனை இவ்வூரிலும் முதல் முதலில் அறிமுகப்படுத்தி அதற்கான முதல் கருத்தரங்கில் தலைமை வகித்து பேசியவன் அடியேனாவேன்.  அந் நிகழ்வில் மறைந்த தலைவர் எம்.எச்.எம். அஸ்ரப் அவர்கள் கலந்து கொண்டு சிறப்பித்தார் என்பதையும் இங்கு திரண்டிருக்கும் போராளிகளுக்கும் மற்ற கட்சியின் முக்கிய முன்வரிசை உறுப்பினர்களுக்கும் தெளிவுபடுத்தி விளங்கப்படுத்த விரும்புகிறேன் என மு.கா.வின் ஸ்தாப பொதுச் செயலாளரும் அக் கட்சியின் அரசியல் விவகார பணிப்பாளருமான சிரேஷ்ட சட்டத்தரணி எஸ்.எம்.ஏ. கபூர் அவர்கள் அண்மையில் அட்டாளைச்சேனையில் நடைபெற்ற அபிவிருத்தி விழாவில் கலந்துகொண்டு பேசுகையில் குறிப்பிட்டார்.

மேற்படி கூட்டம் கிழக்கு மாகாண சபையின் சுகாதார அமைச்சர் ஏ.ஏல்.எம். நஸீர் அவர்களின் தலைமையில் நடைபெற்றபோதே கபூர் அவர்கள் மேற்கண்டவாறு தெரிவித்தார்.  அவர் மேலும் பேசுகையில் குறிப்பிட்டதாவது மறைந்த தலைவர் எம்.எச்.எம். அஸ்;ரப் அவர்கள் மரணமாகி ஒரு சில தினங்களுக்குள் கட்சிக்கான புதிய தலைவரை தெரிவுசெய்வதற்காக கூட்டப்பட்ட விஷேட அரசியல் உச்சபீட கூட்டத்தில் கூட தலைமைத்துவ தெரிவின்போது பலர் வாய்மூடி மௌனிகளாக இருந்தார்கள்.  இன்னும் சிலர் இத் தலைரை எதிர்த்தார்கள் ஆனால் அன்று எங்களைப்போன்றவர்கள்தான் இப்போதுள்ள இந்த தலைவருக்கு ஆதரவாக ஆமோதித்து பேசியவர்களில் நானும் முக்கியமான ஒருவன் என்பதற்கான ஆதாரம் ஆவனமாக இன்றும் என்னிடத்தில் உள்ளது என்பதை இத்தருனத்தில் இவ்விடத்தில் அதனை ஞாபகமூட்ட விரும்புவதாகவும் குறிப்பிட்;டார்.

இப்போதுள்ள உயர்பீடத்தில் இருப்பவர்களில் விரல்விட்டு எண்ணக்கூடியவர்கள் கூட அக்கூட்டத்தில் அன்று அவர்கள் கலந்து கொள்ள முடியாத வாய்பில்லாதவர்களாகத்தான் இருந்தார்கள் ஏனெனில் இவர்களில் அனேகமானவர்கள் அன்று உயர்பீட உறுப்பினர்களாக இருக்கவில்லை என்பதுதான் நிதர்சமான உண்மை இதுதான் வரலாறு.  இருப்பினும் இறுதியில் அன்றுமுதல் எம் எல்லோராலும் ஏற்றுக்கொள்ளப்பட்ட இத்தலைமைத்துவத்துக்கு எதிராக பலர் பல வருடங்களுக்கு பின்புதான் இன்று குற்றச்சாட்டுகளும் குறைகளும் கண்டு சேறு பூசி வருகின்றார்கள்.  மற்றவர்களைப் போல் தலைவருக்கு வால் பிடிக்கவோ, வக்காளத்து வாங்கவோ இதனை இங்கு நான் குறிப்பிடவில்லை ஆனால் கட்சியின் மூலம் பலனும், பயனும், பதவிகளும் பெற்றுவிட்டு இன்று நம்பிக்கைத்துரோகமாக நடந்துகொள்வது ஒரு நாகரீகமான செயலாக நாம் கொள்ள முடியாது எனவும் அவர் மேலும் தெரிவித்தார். 

மேற்படி கூட்டத்தில் கட்சியின் தேசிய தலைவரும் கௌரவ அமைச்சருமான றவூப் ஹக்கிம், சுகாதார பிரதி அமைச்சர் பைசல் காசிம், கிழக்கு மாகாண சபை உறுப்பினர்களான எ.எல். தவம், சிப்லி பாறுக் போன்றவர்கள் உட்பட கட்சியின் முன்னால் பிரதேச சபை உறுப்பினர்களும், கட்சியின் ஊர் பிரமுகர்களும் கலந்து கொண்டு உரையாற்றினார்கள். 

TamilLetter

About TamilLetter -

முக்கிய குறிப்பு: தமிழ்லெட்டர் நியூஸ் இணைய தளத்துக்கு அனுப்பி வைக்கப்படும் செய்திகள் அனைத்துக்கும் அனுப்பி வைப்பவர்களே பொறுப்பாளிகள் ஆவர். தவறான அல்லது பிறர் மனதை புண் படுத்தும் செய்திகளுக்கு தமிழ்லெட்டர் நியூஸ் பொறுப்பல்ல.
நிருவாகம்-