News Update :

Tuesday, August 22, 2017

TamilLetter

முஸ்லிம் காங்கிரஸின் தலைவர் ரவுப் ஹக்கிமுக்கு எதிராக வந்த செய்தி மறுக்கிறார் எம்.ரீ.ஹஸனலி



முஸ்லிம் காங்கிரஸின் தலைவர் ரவுப் ஹக்கிமுக்கு எதிராக வந்த செய்தி மறுக்கிறார் எம்.ரீ.ஹஸனலி



ஸ்ரீலங்கா முஸ்லிம் காங்கிரஸுடன் மீண்டும் என்னை இணைப்பதற்கான எந்த முயற்சிக்கும் நான் துளியும் இடமளியேன் என்றும் முஸ்லிம் கூட்டமைப்பு உருவாக்க விடயத்தில் மும்முரமாகவுள்ளேன் எனவும் தூய முஸ்லிம் காங்கிரஸ் மற்றும் முஸ்லிம் கூட்டமைப்பின் ஏற்பாட்டாளருமான எம்.ரி.ஹசனலி தெரிவித்துள்ளார்.


ஹசனலிக்கு தேசியப் பட்டியல் நாடாளுமன்ற உறுப்பினர் பதவியை வழங்கி, முஸ்லிம் கூட்டமைப்பு உருவாவதைத் தடுப்பதற்கான காய்நகர்த்தலில் ஸ்ரீலங்கா முஸ்லிம் காங்கிரஸ் தலைவர் அமைச்சர் ரவூப் ஹக்கீம் ஈடுபட்டுள்ளதாக வெளியான செய்தி தொடர்பில் ஹசனலியிடம் கேட்டபோதே அவர் மேற்கண்டவாறு கூறியுள்ளார்.


இது குறித்து தொடர்ந்தும் கருத்து வெளியிட்டுள்ள அவர்,
இந்த இணைப்பு விவகாரம் தொடர்பில் எவரும் என்னுடன் எத்தகைய பேச்சும் நடத்தவில்லை. இன்று கட்சி உள்ள நிலையில் நான் மீண்டும் அதனுடன் இணைந்துகொள்வேன் என்பதற்குத் துளியும் இடமில்லை என்பதை உறுதிபடத் தெரிவிக்கின்றேன்.


எத்தகைய காய்நகர்த்தல்களுக்கும் மசிந்து கிழக்கில் முஸ்லிம் கூட்டமைப்பை உருவாக்கும் விடயத்திலிருந்து பின்வாங்கமாட்டேன்.
முஸ்லிம் கூட்டமைப்பு உருவாக்க விடயத்தில் நான் மும்முரமாகவுள்ளேன் எனவும் எமது இந்த முயற்சி நிச்சயம் வெற்றியளிக்கும் என்றும் எம்.ரி.ஹசனலி தெரிவித்துள்ளார்.

TamilLetter

About TamilLetter -

முக்கிய குறிப்பு: தமிழ்லெட்டர் நியூஸ் இணைய தளத்துக்கு அனுப்பி வைக்கப்படும் செய்திகள் அனைத்துக்கும் அனுப்பி வைப்பவர்களே பொறுப்பாளிகள் ஆவர். தவறான அல்லது பிறர் மனதை புண் படுத்தும் செய்திகளுக்கு தமிழ்லெட்டர் நியூஸ் பொறுப்பல்ல.
நிருவாகம்-