News Update :

Saturday, August 26, 2017

TamilLetter

அடுத்த ஜனாதிபதி தேர்தலின் பொது வேட்பாளர் விஜயதாஸவா?


எதிர்­வரும் ஜனா­தி­பதித் தேர்தலில் முன்னால் அமைச்சர் விஜேதாஸ ராஜ­பக்ஷ ஸ்ரீலங்கா பொது­ஜன முன்­ன­ணியின் சார்­பாக பொது வேட்­பா­ள­ராகக் கள­மி­றங்­க­வுள்­ள­தாக சிலர் தெரிவிக்கின்றனர். எனினும் அவ்­வா­றான யோசனைகள் எதுவும் எம்­மிடம் இல்லை. ஏனெனில் எமது கட்­சியில் பொதுவேட்­பாளர் கலா­ச்சாரம் இல்லை.

அன்னம் சின்­னத்தைப் பிர­தி­நி­தித்­து­வப்­ப­டுத்தும் கட்­சி­க­ளுக்கே பொது வேட்­பாளர் கலாச்­சாரம் பொருந்­து­வ­தாக முன்னாள் அமைச்சர் பஷில் ராஜ­பக்ஷ தெரி­வித்துள்ளார்.

ஸ்ரீலங்கா பொது­ஜன முன்­ன­ணியின் மாவட்ட ரீதி­யி­லான பிரதிநிதி­க­ளுக்­கி­டை­யி­லான சந்­திப்பு நேற்று பத்தரமுல்லையிலுள்ள அக்­கட்சிக் காரி­யா­ல­யத்தில் நடைபெற்றது. அச்­சந்­திப்பின் பின்னர் ஊட­கங்­க­ளுக்கு கருத்து தெரி­விக்­கை­யி­லேயே அவர் இதனைத் தெரி­வித்­ததார்.

அவர் மேலும் குறிப்பிடுகையில்,
அமைச்சர் விஜ­ய­தாஸ ராஜ­ப­க்ஷவை எமது கட்­சியில் இணைத்துக்கொள்­வது தொடர்பில் பல்­வே­று­பட்ட கருத்துக்களை தெரி­விக்­கின்­றனர். எனினும் அர­சி­யலில் அது­வெல்லாம் சக­ஜ­மான விட­ய­மாகும். ஏனெனில் முன்னாள் ஜனா­தி­பதி மஹிந்த ராஜபகக்ஷவின் அர­சாங்­கத்தில் அங்கம் வகித்­த­வர்­களில் பலர் தற்போது நல்­லாட்சி அர­சாங்­கத்தில் இணைந்­து­கொண்டு அவருக்கு எதி­ரான பல்­வேறு நெருக்­க­டி­களை முன்னெடுக்கின்றனர்.

எவர் நீதி­ய­மைச்­ச­ராகப் பத­விக்கு வந்­தாலும் பர­வா­யில்லை. சகல நட­வ­டிக்­கை­க­ளையும் சட்­டப்­ப­டியே முன்­னெ­டுக்க வேண்டும். அத்­துடன் நாட்டில் அதி­க­ள­வான வழக்­குகள் எனக்கு எதி­ரா­கவே உள்­ளன.

அர­சாங்கம் தற்­போது நீதித்­துறை மீது அழுத்தம் பிர­யோ­கிப்­ப­தற்கு முற்­ப­டு­கி­றது.  “சட்டமா அதிபர் திணைக்களத்தில் தவறுகள் ஏதும் இடம்பெறவில்லை. எனவே அத்திணைக்களம் மீது குற்றச்சாட்டுகளை முன்வைக்க வேண்டாம்” என ஜனாதிபதி தெரிவித்துள்ளார் என்றார்.

TamilLetter

About TamilLetter -

முக்கிய குறிப்பு: தமிழ்லெட்டர் நியூஸ் இணைய தளத்துக்கு அனுப்பி வைக்கப்படும் செய்திகள் அனைத்துக்கும் அனுப்பி வைப்பவர்களே பொறுப்பாளிகள் ஆவர். தவறான அல்லது பிறர் மனதை புண் படுத்தும் செய்திகளுக்கு தமிழ்லெட்டர் நியூஸ் பொறுப்பல்ல.
நிருவாகம்-