News Update :

Thursday, July 27, 2017

TamilLetter

சிறுபான்மைக்கு எதிரான செயற்பாடு யாராக இருந்தாலும் தட்டிக் கேட்போம் - மாகாண சபை உறுப்பினர் ஏ.எல்.தவம்

சிறுபான்மைக்கு எதிரான செயற்பாடு யாராக இருந்தாலும் தட்டிக் கேட்போம் - மாகாண சபை உறுப்பினர் ஏ.எல்.தவம்


தற்போதுள்ள விகிதாசார முறையை இல்லாமல் செய்து, கலப்புப் பிரதிநிதித்துவ முறையின் கீழ் மாகாண சபைத் தேர்தலை நடாத்துவதற்காகவும், ஒரே நேரத்தில் அனைத்து மாகாண சபைகளுக்கும் தேர்தலை நடாத்துவதற்காகவும், மாகாண சபைத் தேர்தல்கள் பிற்போடப்படுவதற்கு அமைச்சரவை அங்கீகாரம் வழங்கியுள்ளது. இச்செய்தி எம்மைப் பொறுத்த வரை கவலைக்குரிய கசப்பான விடயமாகும். தேர்தல்களைப் பிற்போடுவது ஜனநாயக வழி முறைகளில் தடங்கல்களை ஏற்படுத்துவதாக அமைவதோடு, மக்களின் தெரிவில ஆதிக்கம் செலுத்தும் ஒரு முயற்சியுமாகும். காலம் முடிந்தால், யார் வெல்வார் யார் தோற்பார் என்பதை விட, மக்கள் அடுத்து வரும் 5 வருடங்களுக்கான தமது பிரதிநிதி யார்? என்பதைத் தீர்மானிக்கின்ற தெரிவை செய்வதற்கு இடமளிக்கப்பட வேண்டும். அதில் அதிகாரத்தில் உள்ளவர்கள் ஆதிக்கம் செலுத்துவது தவிர்க்கப்பட வேண்டும். அதுமாத்திரமல்லாமல், தற்போதுள்ள விகிதாசாரப் பிரதிநிதித்துவ முறையினால், பெரும்பான்மை மக்களுக்குள் சிதறி வாழும் சிறுபான்மை சமூகங்களாலும், மாவட்டரீதியில் வாக்குகளைச் சேர்ப்பதனூடாக பிரதிநிதித்துவங்களைப் பெற முடிகிறது. ஆனால், கலப்பு முறை அறிமுகப்படுத்தப்படுமாக இருந்தால் அப்படியான சந்தர்ப்பங்கள் இல்லாமல் போகும். சிறு கட்சிகளுக்கும் இதே சவால் வரக்கூடும். ஜே.வி.பி போன்ற கட்சிகளுக்கு மட்டும் இது சாதகமாக அமையலாம். ஆனால் ஏனைய சிறுபான்மை மற்றும் சிறு கட்சிகள் பாதிக்கப்படும். உள்ளூராட்சி தேர்தல் முறையும் பாராளுமன்ற தேர்தல் முறையும் ஒன்றாக இருப்பதால் மாகாண சபை தேர்தல் முறையும் அப்படித்தான் இருக்க வேண்டும் என்று ஒன்றும் கட்டாயம் கிடையாது. உலகளவில் பல நாடுகளில் ஒவ்வொரு அதிகார மட்டத் தேர்தல் முறைகளும் தேவைக்கேற்ப வித்தியாசம் வித்தியாசமாக இருக்கின்றன. அதனால், இலங்கையிலும் மாகாண சபைத் தேர்தல் முறைமை இப்போதுள்ள விகிதாசாரப் பிரதிநிதித்துவ முறையே தொடர்வதில் ஒரு தீங்கும் வராது. எனவே, மாகாண சபைத் தேர்தல் முறைமை மாற்றப்படுவதையும் தேர்தல்கள் பிற்போடப்படுவதையும் ஏற்றுக்கொள்ள முடியாது என்பதோடு, மக்களின் தெரிவில் அதிகாரத்தில் உள்ளவர்கள் ஆதிக்கம் செலுத்தும் ஜனநாயக விழுமியங்களுக்கு ஒவ்வாத செயலை நிறுத்திக்கொள்ளவும் வேண்டும்

TamilLetter

About TamilLetter -

முக்கிய குறிப்பு: தமிழ்லெட்டர் நியூஸ் இணைய தளத்துக்கு அனுப்பி வைக்கப்படும் செய்திகள் அனைத்துக்கும் அனுப்பி வைப்பவர்களே பொறுப்பாளிகள் ஆவர். தவறான அல்லது பிறர் மனதை புண் படுத்தும் செய்திகளுக்கு தமிழ்லெட்டர் நியூஸ் பொறுப்பல்ல.
நிருவாகம்-