News Update :

Saturday, June 10, 2017

TamilLetter

கட்டார் மீது அமெரிக்கா திடீர் பாசம்

கட்டார் மீது அமெரிக்கா திடீர் பாசம்


பயங்கரவாதத்திற்கு ஆதரவாக செயற்படுவதாக தெரிவித்து கட்டார் மீது விதித்துள்ள தடைகளை வளைகுடா நாடுகள் தளர்த்த வேண்டும் என அமெரிக்க இராஜாங்க செயலாளர் ரெக்ஸ் டில்லர்சன் வலியுறுத்தியுள்ளார்.
கட்டார் மீதான தடையானது மனிதாபிமான ரீதியிலான பின்விளைவுகளை ஏற்படுத்தும் என தெரிவித்து, அதனை தளர்த்துமாறு கோரியுள்ளார்.
கட்டார் பயங்கரவாதத்திற்கு துணை போவதாக குற்றம்சாட்டி, கட்டார் நாட்டுடனான தூதரக உறவை ஐக்கிய அரபு இராச்சியம், சவுதி அரேபியா, பஹ்ரேன், எகிப்து, யேமன் உள்ளிட்ட நாடுகள் திடீரென துண்டித்தன. அதனை தொடர்ந்தே அமெரிக்கா இவ்வாறு அறிவித்துள்ளது.
இதேவேளை, கட்டார் பயங்கரவாதிகளுக்கு நிதி உதவிகளை வழங்குவதாக அமெரிக்க ஜனாதிபதி டொனால்ட் ட்ரம்பும் குற்றம் சாட்டியதுடன், அதனை நிறுத்துமாறும் வலியுறுத்தினார்.
மேலும், மக்களை கொல்வதற்கு மக்களுக்கு கற்பிக்கும் செயற்பாடு நிறுத்தப்பட வேண்டும் என்றும் அவர் குறிப்பிட்டுள்ளார். எனினும், பயங்கரவாதிகளுக்கு ஆதரவளிப்பதான குற்றச்சாட்டை கட்டார் தொடர்ந்தும் மறுத்து வருகின்றமை குறிப்பிடத்தக்கது.

TamilLetter

About TamilLetter -

முக்கிய குறிப்பு: தமிழ்லெட்டர் நியூஸ் இணைய தளத்துக்கு அனுப்பி வைக்கப்படும் செய்திகள் அனைத்துக்கும் அனுப்பி வைப்பவர்களே பொறுப்பாளிகள் ஆவர். தவறான அல்லது பிறர் மனதை புண் படுத்தும் செய்திகளுக்கு தமிழ்லெட்டர் நியூஸ் பொறுப்பல்ல.
நிருவாகம்-