News Update :

Friday, March 24, 2017

TamilLetter

பிரதமர் ரணில் விக்கிரமசிங்கவுக்கு இன்று 68வது பிறந்த தினம்



பிரதமர் ரணில் விக்கிரமசிங்க அவர்கள் இன்று தனது 68வது அகவையில் காலடி எடுத்து வைக்கிறார். இதைக் குறிக்கும் வகையில், ஐக்கிய தேசியக் கட்சி உறுப்பினர்கள் மற்றும் தொண்டர்கள் தமது வாழ்த்துக்களை பிரதமருக்குத் தெரிவித்து வருகின்றனர்.
தனது நீண்ட கால அரசியல் பயணத்தில் 1993, 2001 மற்றும் 2015 ஆகிய ஆண்டுகளில் பிரதமர் பதவியை வகித்தவர் ரணில் விக்கிரமசிங்க அவர்கள். அதிலும், 2015ஆம் ஆண்டில் இரண்டு முறை பிரதமர் பதவிக்குத் தெரிவுசெய்யப்பட்டமை குறிப்பிடத்தக்கது.
தற்போதைய நல்லாட்சி அரசாங்கத்திற்கான ஆரம்பப் புள்ளியை இட்டவர் பிரதமர் ரணில் விக்கிரமசிங்க. நாட்டின் எதிரும் புதிருமான இரண்டு கட்சிகளை ஒரே குடையின் கீழ் கொண்டுவந்து, அதன் மூலம் நல்லாட்சி அரசாங்கத்துக்கு வித்திட்டார் அவர்.
தற்போது, நாட்டில் வேலையின்மைப் பிரச்சினையைத் தீர்க்கும் முகமாக பத்து இலட்சம் வேலைவாய்ப்புகளை உருவாக்கும் முயற்சியில் ஈடுபட்டுள்ள பிரதமர் ரணில் விக்கிரமசிங்கவின் பிறந்த தினத்தையொட்டி, சர்வ சமயப் பிரார்த்தனைகளும் நாடெங்கிலும் அவரது கட்சித் தொண்டர்களால் நடத்தப்பட்டு வருகின்றன.

TamilLetter

About TamilLetter -

முக்கிய குறிப்பு: தமிழ்லெட்டர் நியூஸ் இணைய தளத்துக்கு அனுப்பி வைக்கப்படும் செய்திகள் அனைத்துக்கும் அனுப்பி வைப்பவர்களே பொறுப்பாளிகள் ஆவர். தவறான அல்லது பிறர் மனதை புண் படுத்தும் செய்திகளுக்கு தமிழ்லெட்டர் நியூஸ் பொறுப்பல்ல.
நிருவாகம்-