News Update :

Tuesday, January 17, 2017

TamilLetter

ஐரோப்பிய ஒன்றியத்தின் இரண்டு நிபந்தனைகளை ஜனாதிபதி நிராகரிப்பு!




இலங்கைக்கு ஜி.எஸ்.பி பிளஸ் வரிச் சலுகையை மீளப் பெற்றுக் கொள்வதற்காக ஐரோப்பிய ஒன்றியத்தினால் முன்வைக்கப்பட்டுள்ள செயற்திட்டத்தில் குறிப்பிடப்பட்டுள்ள 6.1.1 மற்றும் 6.1.8 ஆகிய இரண்டு பரிந்துரைகளுக்கும் எவ்வாறானதொரு சூழ்நிலையிலும் இணங்க முடியாதென உறுதியாக மறுப்புத் தெரிவித்துள்ள ஜனாதிபதி அவற்றை செயற்திட்டத்திலிருந்து நீக்கிவிடுவதற்கு தீர்மானித்துள்ளார்.

மேலும் ஐரோப்பிய ஒன்றியத்தினால் இலங்கைக்கு முன்வைக்கப்பட்டுள்ள செயற்திட்டத்தில் குறிப்பிடப்பட்டுள்ள ஏனைய பரிந்துரைகள் தொடர்பில் ஆராய்வதற்காக அமைச்சர் பைசர் முஸ்தபா தலைமையில் விசேட குழுவொன்றை ஜனாதிபதி நேற்று நடைபெற்ற அமைச்சரவைக் கூட்டத்தின்போது நியமித்துள்ளார்.

செயற்திட்டத்தில் முன்வைக்கப்பட்டுள்ள பரிந்துரைகள் தொடர்பில் நேற்று- இலங்கையின் நிலைப்பாட்டினை அறிவிக்குமாறு ஜரோப்பிய ஒன்றியம் கோரியிருந்தது. எனினும் இலங்கை இன்னும் நிலைப்பாட்டை அறிவிக்கவில்லை. ஜனாதிபதி நியமித்த குழுவின் இறுதி முடிவுக்கமைய இணங்கக்கூடியவை மற்றும் இணங்கமுடியாதவை பற்றி ஜரோப்பிய ஒன்றியத்துக்கு தெளிவாக எழுத்து மூலம் அறிவிப்போம் என்று அமைச்சர் லக்ஸ்மன் யாப்பா அபேவர்த்தன தெரிவித்தார்.

TamilLetter

About TamilLetter -

முக்கிய குறிப்பு: தமிழ்லெட்டர் நியூஸ் இணைய தளத்துக்கு அனுப்பி வைக்கப்படும் செய்திகள் அனைத்துக்கும் அனுப்பி வைப்பவர்களே பொறுப்பாளிகள் ஆவர். தவறான அல்லது பிறர் மனதை புண் படுத்தும் செய்திகளுக்கு தமிழ்லெட்டர் நியூஸ் பொறுப்பல்ல.
நிருவாகம்-