News Update :

Wednesday, December 7, 2016

TamilLetter

கூட்டமைப்பின் கட்டளைப்படியே நடக்கிறதாம் பாதுகாப்பு மாற்றங்கள்!



தமிழ் தேசியக் கூட்டமைப்பின் கட்டளையின் படியே வட பகுதிக்கான பாதுகாப்பு தீர்மானிக்கப்படுவதாக நாடாளுமன்ற உறுப்பினர் விமல் வீரவன்ச குற்றம்சாட்டியுள்ளார். “எவ்வித பாதுகாப்புக் கணிப்பீடுமின்றி வடக்கிலிருந்து இராணுவ முகாம்கள் அகற்றப்பட்டு வருகின்றன. காணிகள் மீளக் கையளிக்கப்பட்டு வருகின்றன. புலனாய்வுப் பிரிவைச் சேர்ந்தவர்கள் விசாரணைகளுக்கு உட்படுத்தப்பட்டு வருகின்றனர்.

மேலும் சில புலனாய்வுப் பிரிவு அதிகாரிகள் சிறையில் அடைக்கப்பட்டுள்ளனர். முன்அனுமதியின்றி வெளிநாட்டவர்கள் படைமுகாமிற்குள் நுழைகின்றனர். இது இவ்வாறிருக்க தமிழ் தேசியக் கூட்டமைப்பின் கட்டளையின் பிரகாரமே வடக்கிற்கான பாதுகாப்பு தீர்மானங்கள் எடுக்கப்படுகின்றன. அத்துடன் ஆவா குழுவினர் கைது செய்யப்பட்டு உடனடியாகவே பிணையிலும் விடுதலை செய்யப்பட்டனர். இது ஏன் எனப் புரியவில்லை. வடக்கில் கரையோரப் பாதுகாப்பும் பலவீனமாகவே உள்ளது. இந்திய மீனவர்கள் அத்துமீறி நுழைந்து கடல் வளங்களைச் சூறையாடுகின்றனர். இதற்கு நடவடிக்கை எடுக்க முடியாமல் கடற்படையினருக்கு கடிவாளம் போடப்படுகிறது” – என்றார்.

TamilLetter

About TamilLetter -

முக்கிய குறிப்பு: தமிழ்லெட்டர் நியூஸ் இணைய தளத்துக்கு அனுப்பி வைக்கப்படும் செய்திகள் அனைத்துக்கும் அனுப்பி வைப்பவர்களே பொறுப்பாளிகள் ஆவர். தவறான அல்லது பிறர் மனதை புண் படுத்தும் செய்திகளுக்கு தமிழ்லெட்டர் நியூஸ் பொறுப்பல்ல.
நிருவாகம்-