News Update :

Saturday, December 17, 2016

TamilLetter

முஸ்லிம் பெண்கள் மீது பாலியல் வன்முறை,



மியன்மாரில் உள்ள சிறுபான்மை இனத்தவர்களான ரொஹிங்கியா முஸ்லிம்கள் மீதான தாக்குதல் மற்றும் பெண்கள் மீதான பாலியல் துஷ்பிரயோக சம்பவங்கள் நாளுக்கு நாள் அதிகரித்து வருவதாக ஐக்கிய நாடுகள் சபையின் மனித உரிமைகள் ஆணைக்குழு குற்றம் சுமத்தியுள்ளது.
ஐக்கிய நாடுகள் சபையின் மனித உரிமைகள் ஆணையாளர் செயிட் அல் ஹுசைன் இது தொடர்பில் தெரிவித்துள்ளதாவது,
மியன்மாரில் சிறுபான்மை இனமான ரொஹிங்கியா முஸ்லிம்கள் மீது பாரியளவில் பாலியல் துஷ்பிரயோகம் மற்றும் வன்முறை தாக்குதல்கள் நிகழ்த்தப்படுகின்றன.
நோபல் பரிசு வென்ற ஆன் சான் சூகி ஆட்சியில் இருக்கும் போது இவ்வாறான சம்பவங்கள் இடம்பெறுவது மிகவும் கவலையளிக்கின்றது. இச் சம்பவங்கள் தொடருமாயின் பாரதூரமான விளைவை ஏற்படுத்தும்.
இதுவரையான காலப்பகுதியில் 86 பேர் கொலை செய்யப்பட்டுள்ளனர். மேலும் 27 ஆயிரம் பேர் நாட்டை விட்டு வெளியேறியுள்ளனர்.
மியன்மார் உடனடியாக இவ்வாறான குற்றச் செயல்களை தடுக்க நடவடிக்கை எடுக்க வேண்டும். இல்லாவிடின் நாட்டின் மீது கடுமையான நடவடிக்கை எடுக்க வேண்டிய நிலை ஏற்படும் என அவர் தெரிவித்துள்ளார்.

TamilLetter

About TamilLetter -

முக்கிய குறிப்பு: தமிழ்லெட்டர் நியூஸ் இணைய தளத்துக்கு அனுப்பி வைக்கப்படும் செய்திகள் அனைத்துக்கும் அனுப்பி வைப்பவர்களே பொறுப்பாளிகள் ஆவர். தவறான அல்லது பிறர் மனதை புண் படுத்தும் செய்திகளுக்கு தமிழ்லெட்டர் நியூஸ் பொறுப்பல்ல.
நிருவாகம்-