News Update :

Friday, December 23, 2016

TamilLetter

பிரதமரை சந்திக்க நான்கு முதலமைச்சர் மாத்திரமே வருகை



அபிவிருத்தி விசேட ஏற்பாடுகள் சட்டமூலம் குறித்து அலரி மாளிகையில் இன்று இடம்பெற்ற முக்கிய சந்திப்பில் தென், மேல், கிழக்கு, ஊவா மாகாண முதலமைச்சர்கள் மாத்திரம் பங்கேற்றதாக பிரதமர் அலுவலகம் தெரிவித்துள்ளது. வடக்கு, வடமத்திய, மத்திய, சப்ரகமுவ, வடமேல் மாகாண முதலமைச்சர்கள் இந்தச் சந்திப்பில் பங்கேற்கவில்லை எனத் தெரிவிக்கப்படுகின்றது.

இந்த நிலையில், அபிவிருத்தி விசேட ஏற்பாடுகள் சட்டமூலம் குறித்து சந்திப்பில் பங்கேற்ற முதலமைச்சர்களுக்கு பிரதமர் விளக்கமளித்துள்ளதாக பிரதமர் அலுவலகம் தெரிவித்துள்ளது. தேசிய அபிவிருத்தி செயற்பாடுகளுக்காக மாகாண சபைகளை சம்பந்தப்படுத்திக் கொள்வதை கொள்கை அடிப்படையில் தாம் மதிப்பளிப்பதாக முதலமைச்சர்கள் தெரிவித்துள்ளனர்.

ஏனைய மாகாண முதலமைச்சர்களுடன் பேச்சு நடத்தி இது தொடர்பில் தீர்மானமொன்றை விரைவாக முன்வைப்பதாக முதலமைச்சர்கள் உறுதியளித்துள்ளதாக பிரதமர் அலுவலகம் தெரிவித்துள்ளது.

TamilLetter

About TamilLetter -

முக்கிய குறிப்பு: தமிழ்லெட்டர் நியூஸ் இணைய தளத்துக்கு அனுப்பி வைக்கப்படும் செய்திகள் அனைத்துக்கும் அனுப்பி வைப்பவர்களே பொறுப்பாளிகள் ஆவர். தவறான அல்லது பிறர் மனதை புண் படுத்தும் செய்திகளுக்கு தமிழ்லெட்டர் நியூஸ் பொறுப்பல்ல.
நிருவாகம்-