News Update :

Friday, June 23, 2017

TamilLetter

சட்டத்தரணி பாறுக் சாஹீப் அவர்களின் நோன்புப் பெருநாள் வாழ்த்துக்கள்


சட்டத்தரணி பாறுக் சாஹீப் அவர்களின் நோன்புப் பெருநாள் வாழ்த்துக்கள்


நோன்புப் பெருநாள் கொண்டாடும் அனைத்து முஸ்லிம்களுக்கும் தமது இனிய நோன்புப் பெருநாள் வாழ்த்துக்களைத் தெரிவித்துக் கொள்வதோடு பல்லின  சமூகங்கள் வாழும் நம் நாட்டில் அமைதியான முறையில் நம் கடமைகளில் ஈடுபடுவோம் என.சட்டத்தரணி பாறுக் சாஹீப் விடுத்துள்ள வாழ்த்துச் செய்தியில் தெரிவித்தார்.
Read More
TamilLetter

நோன்புப் பெருநாள் வாழ்த்துக்கள்!!- முன்னாள் தவிசாளர் ஜெபீர் மௌலவி

நோன்புப் பெருநாள் வாழ்த்துக்கள்!!- முன்னாள் தவிசாளர் ஜெபீர் மௌலவி

அல்லாஹ்விற்காக பசித்திருந்து, தனித்திருந்து, விழித்திருந்து அல்லாஹ்வை வணங்கி, நல்லமல்கள் செய்து புனித ரமலான்நோன்பை முடித்திருக்கும் நமது சகோதர்கள்  அனைவருக்கும் நோன்புப் பெருநாள் வாழ்த்துக்கள் என இறக்காமம் பிரதேச சபையின் முன்னாள் தவிசாளர் யு.கே.ஜெபீர் மௌலவி  தெரிவித்தார் 
நோன்பு எனக்குரியது. அதற்கு கூலியை நானே கொடுப்பேன் என்று அல்லாஹ் கூறியமைந்ததற்கேற்ப அல்லாஹ்வின் கூலியை எதிர்பார்த்து இருக்கும் நல்லடியார்களே! உங்கள் அனைவருக்கும் நோன்புப் பெருநாள் வாழ்த்துக்களை தெரிவிக்கிறேன்
வல்ல இறைவன் நம் அனைவர்களுக்கும் ஈருலக பாக்கியங்களைத் தந்தருள்வானாக! ஆமீன்.
Read More
TamilLetter

அனைத்து நல்லுள்ளங்களுக்கும் எனது இனிய நோன்புப் பெருநாள் வாழ்த்துக்கள்..சட்டத்தரணி எஸ்.எம்.ஏ கபுர்

அனைத்து நல்லுள்ளங்களுக்கும் எனது இனிய நோன்புப் பெருநாள் வாழ்த்துக்கள்..சட்டத்தரணி எஸ்.எம்.ஏ கபுர்

உலக முஸ்லிம்கள் கௌரவமாகவும் பாதுகாப்பாகவும் வாழ இப் புனித தினத்தில் நான் இறைவனை பிரார்த்திக்கிறேன் என
ஸ்ரீலங்கா முஸ்லிம் காங்கிரஸின் ஸ்தாபக செயலாளர் சட்டத்தரணி எஸ்.எம்.ஏ கபுர் விடுத்துள்ள நோன்புப் பெருநாள் வாழ்த்து செய்தியில் குறிப்பட்டார்.
Read More
TamilLetter

கிண்ணியா பிரதேசத்தில் பல்கலைக்கல்லூரி

கிண்ணியா பிரதேசத்தில் பல்கலைக்கல்லூரி
திருகோணமலை மாவட்டத்தின் கிண்ணியா பிரதேசத்தில் பல்கலைக்கல்லூரி ஒன்று அமைக்கப்படவுள்ளது. அரசாங்க தகவல் திணைக்களத்தின் கேட்போர் கூடத்தில் நடைபெற்ற அமைச்சரவை தீர்மானங்களை அறிவிக்கும் செய்தியாளர் மாநாட்டில் பாராளுமன்ற மறுசீரமைப்பு மற்றும் காணி அமைச்சரும் அமைச்சரவை துணைப்பேச்சாளருமான கஜந்த கருணாதிலக தெரிவித்தார்.
திருகோணமலை மாவட்டத்தில் தற்பொதுழுது அரசதுறை தொழிற்பயிற்சி நிலையங்கள் 13 செயல்படுகின்றன. பல்வேறு துறைகளுடன் தொடர்புபட்ட 54 கற்கைநெறிகள் இவற்றில் நடத்தப்படுவதுடன் , தனியார் துறையில் 24 பயிற்சி நிலையங்கள் செயல்ப்பட்டு வருகின்றன.அரச துறை பயிற்சி நிலையங்களில் கடந்த வருடத்தில் 2200 பேர் பயிற்சிபெற்றனர். இந்த பயிற்சி மத்திய நிலையங்களில் தற்பொழுது 3 அல்லது 4 மட்டத்திலான கற்கைநெறிகள் மாத்திரமே இடம்பெறுகின்றன.
தேசிய தொழில் தகுதிக்கான 5 அல்லது 6 தரத்திலான கற்கை நெறியைத்தொடர்வதற்கு அனுராதபுரம் அல்லது யாழ்ப்பாணத்தில் உள்ள பல்கலைக்கழகங்களிற்கு செல்லவேண்டிய இருப்பதாக அமைச்சர் தெரிவித்தார்.இதனை கருத்தில் கொண்டு திருகோணமலை மாவட்டத்தில் மாணவர்களின் நன்மைக்கருதி 434 மில்லியன் ரூபா செலவில் பல்கலைக்கல்லூரி ஒன்றினை அமைப்பதற்காக திறன்விருத்தி மற்றும் வாழ்க்கைத்தொழிற் பயிற்சி அமைச்சர் சந்திம வீரக்கொடி சமர்ப்பித்த ஆவணத்திற்கு அமைச்சரவை அங்கீகாரம் வழங்கியுள்ளதாக அமைச்சர் குறிப்பிட்டார்.
Read More
TamilLetter

அமெரிக்காவை தாக்க உயர் செயல்திறன் ராக்கெட் வடகொரியா


புதிய உயர் செயல்திறன் ராக்கெட் இயந்திரத்தை வட கொரியா இராணுவம் சோதனை செய்துள்ளதாக அந்நாட்டு அரசு ஊடகமான KCNA செய்தி வெளியிட்டுள்ளன.
வட கொரியா உலகத் தரத்தில் செயற்கைக்கோளை ஏவும் திறன் அடைய இந்த இயந்திரம் உதவும்.
நாட்டின் புதிய ராக்கெட் தொழில்துறையின் ”புதிய பிறப்பு” என்று வடகொரிய அதிபர் கிம் ஜோங் உன் தெரிவித்துள்ளார்.
புதிய ராக்கெட் சோதனையை கண்டுகளித்த கிம், நாம் இன்று அடைந்த, புதிய சகாப்தத்தை ஏற்படுத்தும் வெற்றியின் முக்கியத்துவத்தை இந்த உலகம் வெகுவிரைவில் அறியும்” என்று வலியுறுத்தியுள்ளார்.
அமெரிக்காவுக்கும், வடகொரியாவுக்கும் இடையில், அணு ஆயுதம் தொடர்பான பதற்றம் நிலவி வரும் சூழலில் இந்த புதிய செய்தி வெளியாகியுள்ளது.
அமெரிக்கா ஜனாதிபதி டொனால்ட் ட்ரம்ப நிர்வாகம் இந்த பிரச்சினையை அதன் முன்னுரிமையான பிரச்சினையாக மாற்றியுள்ளது.
சர்வதேச நாடுகள் கடும் எதிர்ப்புகளை வெளியிட்டு வரும் சூழலில் வடகொரியா ஏவுகணை பரிசோதனைகளை அதிகரித்துள்ளது.
சர்வதேச அணு ஆயுதமயமாக்கலை நோக்கமாக கொண்டு வடகொரிய இந்த நடவடிக்கைகளை தொடர்ந்து வருகிறது.
வடகொரியா இந்த விடயத்தில் தனது இலங்கை அடைவது தவிர்க்க முடியாதது என கடந்த மாதம் அமெரிக்க உளவு அமைப்பு எச்சரித்திருந்தது.
இந்த நிலையில், வட கொரியா நேற்று பரிசோதித்துள்ள ஏவுகணையானது அமெரிக்காவை அடையக் கூடிய கண்டம் விட்டு கண்டம் பாயும் ஏவுகணையாக இருக்கலாம் என அமெரிக்க அதிகாரிகள் ஊடகங்களிடம் மறைமுகமாக கூறியுள்ளனர்.
எது எப்படி இருந்த போதிலும் வடகொரியாவின் இராணுவ செயற்பாடுகள் மிக இரகசியமானவை என்பதால், அந்த நாட்டின் அணு ஆயுத பலத்தை மதிப்பீடு செய்வது வல்லுநர்களுக்கும் கடினமாக கரியம் என கூறப்பட்டுள்ளது.
இந்த நிலையில், பிராந்தியத்தில் பதற்றமான நிலைமை குறைக்க வடகொரியாகவுக்கு ராஜதந்திர அழுத்தங்களை கொடுக்குமாறு அமெரிக்க ராஜாங்க செயலாளர் ரெக்ஸ் டில்லர்சன் கடந்த புதன் கிழமை சீனாவிடம் கோரிக்கை விடுத்திருந்தார்.
Read More
TamilLetter

கட்டார் நாட்டிற்கு இப்படியும் ஒரு தண்டனை


கட்டார் நாட்டிற்கு  இப்படியும் ஒரு தண்டனை
கட்டார் மீதான தடையை நீக்க அல்-ஜசீராவை மூடுவது உள்ளிட்ட 13 நிபந்தனைகளை வளைகுடா நாடுகள் முன்வைத்துள்ளன.
இம்மாதத்தின் ஆரம்பத்திலிருந்து கட்டார் மீது தடை விதித்திருந்த வளைகுடா நாடுகள் கட்டாரிடம் தாம் எதிர்பார்ப்பவை பற்றிய பட்டியலை வெளியிட்டுள்ளன.
13 விடயங்கள் உள்ளக்கப்பட்ட அந்த பட்டியலில், அல் ஜஸீரா தொலைக்காட்சியை மூடுவது, ஒரு துருக்கி ராணுவ தளத்தை மூடிவிட்டு, இஸ்லாமிய சகோதரத்துவ அமைப்புடனான எல்லா தொடர்புகளையும் துண்டிப்பது போன்றவை உள்ளடங்குகின்றன.
கட்டாருக்கும், வளைகுடா நாடுகளுக்குமிடையில் பேச்சுவார்த்தை மேற்கொள்ள முயற்சிகள் மேற்கொள்ளப்பட்டிக்கும் நிலையில் குவைத் மூலம் இந்த பட்டியல் வழங்கப்பட்டுள்ளது.
சவூதி அரேபியா, பஹ்ரைன், ஐக்கிய அரபு எமிரேட்ஸ் மற்றும் எகிப்து ஆகிய நாடுகள், கட்டார் பயங்கரவாதத்தை ஊக்குவிப்பதாக தெரிவித்துள்ள குற்றச்சாட்டினை கட்டார் மறுத்துள்ளது என்பதும் குறிப்பிடத்தக்கது
Read More

Thursday, June 22, 2017

TamilLetter

நிதானத்தை கடைப்பிடித்தவர் ஹக்கீம் பின் கதவால் பேரம் பேசியவர் ஹஸனலி - முன்னாள் தவிசாளர்

நிதானத்தை கடைப்பிடித்தவர் ஹக்கீம் பின் கதவால் பேரம் பேசியவர்   ஹஸனலி - முன்னாள் தவிசாளர்


நல்லாட்சி அரசாங்கத்தின் சில தவறுகளை அமைச்சர்  ஹக்கீம் மீதும் முஸ்லிம் காங்கிரஸ் மீதும் பழிபோடுகின்றனர். இப்போது பழி போடுகின்றவர்கள்தான் அன்று பேரம் பேசும் பேச்சு வார்த்தைகளில் ஈடுபட்டனர் என்று இறக்காமம் பிரதேச சபையின் முன்னாள் தவிசாளர் யு.கே.ஜெபீர் மௌலவி தெரிவித்தார்.

குடிவில் பிரதேசத்தில் இடம்பெற்ற நிகழ்வொன்றில் கலந்து கொண்டு உரையாற்றும் போதே இதனைத் தெரிவித்தார்.

அவர் தொடர்ந்து கருத்து தெரிவிக்கையில் நல்லாட்சி அரசாங்கத்தை சிறுபான்மை சமூகத்தைச் சேர்ந்த எந்த அரசியல வாதிகளோ கட்சிகளோ தேர்ந்தெடுக்கவில்லை மாறாக மக்களே இந்த அரசாங்கத்தை தேர்ந்தெடுத்தார்கள்

மக்களால் தேர்ந்தெடுக்கப்பட்ட ஒரு அரசாங்கத்தின் சில தவறுகளை  முஸ்லிம் காங்கிரஸின் தலைமீது பழி போட அதாஉல்லா தரப்பு  எத்தனிக்கின்றது.

 முஸ்லிம் விரோத  மஹிந்த அரசாங்கத்தை மாற்ற வேண்டும் என மக்கள் கொந்தளித்துக் கொண்டிருக்கும் போதுதான் ஜனாதிபதித் தேர்தல் அறிவிக்கப்பட்டது..இத் தேர்தலில் முஸ்லிம் கட்சிகள் எப்படியான நிலைப்பாட்டை எடுக்க வேண்டும் என்பதை மக்கள்தான் கட்சித் தலைவருக்கு கூறினார்களே தவிர தலைவர்கள் அல்ல  தலைவர்கள் கருத்து தெரிவிப்பதற்கான  சந்தர்ப்பத்தை கூட  மக்கள் தலைவர்களுக்கு   வழங்கவில்லை.என்பதை யாரும் அறிவர்.

 அமைச்சர் ரிஷாட் பதியுதீனுக்கும் மஹிந்தவின் புதல்வர் நாமலுக்கும்   இடையில் ஏற்பட்ட முரண்பாட்டினால்தான்   ரிஷாட் மஹிந்தவை விட்டு வெளியேறினார் என்ற உண்மையும் எல்லோருக்கும் தெரிந்தது..

 மக்களின் நிலைப்பாட்டை தமக்கு சாதகமாக பயன்படுத்திய ஹஸனலி ரணிலோடு இரகசிய பேச்சு வார்த்தைகளில் ஈடுபட்டார் ரவுப் ஹக்கீம் வரவில்லையென்றால் நாங்கள் உங்களோடு வந்து இணைகிறோம் என்று கூறி   தனக்கு தேவையான அரசியல் அதிகாரங்களை கோரினார்  இந் உண்மையை ஹஸனலியின் தரப்பினரே மேடைகளில் பேசுகின்றனர்.

இதற்கிடையில் முஸ்லிம் காங்கிரஸின் தலைவர் ரவுப் ஹக்கீம் முஸ்லிம் சமூகத்தின் உரிமை தொடர்பான பேச்சுவார்த்தைகளில் தொடர்ந்தும் மஹிந்த தரப்போடு பேசி வந்தார்.பல வாக்குறுதிகள் மஹிந்தவால் வழங்கப்பட்ட போதும் அந்த வாக்குறுதிகளை உடன் அமூல் படுத்தப்பட வேண்டுமென தலைவர் ஹக்கீம் குறியாக இருந்ததனால்தான்  தபால் வாக்களிப்பு வரைக்கும் இந்த நல்லாட்சியை அவர் ஆதரிக்கவில்லை.அப்போதும் தலைவர் தபால் வாக்களிப்பின் போது ஒரு அறிக்கை விட்டிருந்தார் மக்களின் மனச்சாட்சிப்படி வாக்களியுங்கள் என்று இதைவிட எந்த தலைவரால் இப்படி  செய்ய முடியும்?

இறுதியாக  நுாறு வீதமான மக்களே ஆட்சி மாற்றத்திற்கு தயாரான போதும் மஹிந்த வழங்கிய வாக்குறுதிகள் காலம் தாழ்த்தப்பட்டதினாலும்தான் நல்லாட்சி அரசாங்கத்திற்கு ஆதரவாக முஸ்லிம் காங்கிரஸ் செயற்பட்டது.

இன்று நல்லாட்சி அரசாங்கத்தின் அலட்சியத்தன்மையை விமர்சனம் செய்யும் அதாஉல்லா இதே மைத்திரியின் தலைமையில்தான் பொதுத் தேர்தலில் போட்டியிட்டு தோல்வியடைந்தார்.மீண்டும் தனது அதிகாரத்தை பெற்றுவிட வேண்டுமென்பதற்காகத்தான் தலைவர் மாறியுள்ளார் நாங்கள் இருந்த இடத்தில் தான் இருக்கிறோம் என்று கூறிக் கொண்டு மைத்திரியிடம்  தகுந்த கூலிகளைப் பெற்றுக் கொண்டு வருகிறார்

இந்த ஆட்சி மோசமான ஆட்சியென்றால் ஏன் அதாஉல்லா அதனோடு  ஒட்டிக் கொண்டு இருக்கிறார்.அதாஉல்லா தலைமை தாங்கும் தனிக்கட்சி இருக்குத்தானே அந்த கட்சியை அவரால் தனியாக நடாத்தி செல்ல முடியுமா? ஒரு பொதுத் தேர்தலோ அல்லது ஒரு மாகாண சபைத் தேர்தலோ அவரின் கட்சியால் தனித்து நின்று போட்டி போட முடியுமா?எதை வைத்து அவர் தேசியத் தலைவர் என்று தன்னைத் தானேபுகழ்பாடி வருகிறார்.

தேசிய காங்கிரஸ் ஒரு போதும் அக்கரைப்பற்றுக்கு வெளியில் வராது.மைத்திரியையும் அமைச்சர் ரிஷாட் பதியுதீனையும் நம்பித்தான் தனது எதிர்கால  பயணத்தை அது தொடரும்

























Read More
TamilLetter

கசப்பான உண்மைகளை வெளியிட வேண்டிவரும் : அமைச்சருக்கு எச்சரிக்கை

கசப்பான உண்மைகளை வெளியிட வேண்டிவரும் : அமைச்சருக்கு எச்சரிக்கை

பொதுபலசேனாவுடன் பொய்யாக மோதுவதுபோல் செயற்பட்டு எமக்கு தெரிந்த உண்மைகளை வெளிப்படுத்தும் நிலையை ஏற்படுத்த வேண்டாம் என நாடாளுமன்ற உறுப்பினர் உதயகம்மன்பில தெரிவித்தார்.
கொழும்பில் இன்று இடம்பெற்ற ஊடக சந்திப்பில் கருத்து தெரிவிக்கும் போதே அவர் இதனைக் கூறினார். மேலும் அங்கு தொடர்ந்த அவர்,
ஜாதிக ஹெல உறுமய கட்சிக்கும், பொதுபலசேனாவிற்கும் நெருங்கியத் தொடர்பு உள்ளது என்பது அனைவரும் அறிந்த விடயமே.
ஞானசார தேரர் என்பவர் ஜாதிக ஹெல உறுமயவுடன் இணைந்தே செயற்பட்டு வந்த ஒருவராவார். ஞானசாரருக்கு இங்கு யோசனைகள் கொடுக்கப்பட்டு வருகின்றதா என்பது குறித்து சொல்லத் தேவையில்லை.
ஆனால் அமைச்சர் பாட்டலி சம்பிக்கவிற்கு ஓர் எச்சரிக்கையினை விடுக்கின்றேன். பொய்யாக பொதுபலசேனாவினை தாக்குவதற்கு முற்பட்டு எமக்கு தெரிந்த உண்மைகளை வெளிப்படுத்தும் நிலையை உருவாக்க வேண்டாம்.
பொதுபலசேனா பற்றி பொய்யான பிரச்சாரங்களை செய்ய வேண்டாம். ஜாதிக ஹெல உறுமயவிற்கும் பொதுபலசேனாவிற்கும் நெருங்கிய தொடர்பு உண்டு என்பது முழு நாட்டுக்கும் தெரிந்த விடயம்.
ஞானசார தேரரை இயக்கினார்களா இல்லையா என்பது பற்றி தெளிவாக என்னால் கூற முடியும் ஆனால் அதனைச் செய்யமாட்டேன். என்னிடம் உள்ள இரகசியங்களை வெளியிட வேண்டுமா என்பதனை இதுவரை முடிவு செய்யவில்லை.
ஆனால் மக்களுக்கு வெளிப்படுத்த வேண்டிய நிலை ஏற்படுமாயின் கசப்பான பல உண்மைகளை வெளிப்படுத்த வேண்டிய நிலை ஏற்படும் என அமைச்சர் பாட்டலி சம்பிக்கவிற்கு எச்சரிக்கை விடுக்கின்றேன் எனவும் கம்மன்பில தெரிவித்தார்.
Read More
TamilLetter

கிழக்கு மாகாணத்திற்கும் இப்படியொன முதலமைச்சர் கிடைப்பாரா?

கிழக்கு மாகாணத்திற்கும் இப்படியொன முதலமைச்சர் கிடைப்பாரா?
வடக்கு மாகாணசபையில் வெற்றிடம் ஏற்பட்டுள்ள இரண்டு அமைச்சர் பதவிகளுக்கு நியமனங்களை செய்வதற்காக, அனைத்து மாகாணசபை உறுப்பினர்களிடம் இருந்தும் விண்ணப்பங்களைக் கோரியிருப்பதாக வடக்கு மாகாண முதலமைச்சர் சி.வி.விக்னேஸ்வரன் தெரிவித்தார்.
வடக்கு மாகாணசபையின் இன்றைய அமர்வில் உரையாற்றிய போதே முதலமைச்சர் இந்த தகவலை வெளியிட்டார்.
விசாரணைக் குழுவினால் குற்றம் சுமத்தப்பட்டதையடுத்து, முதலமைச்சர் கேட்டுக் கொண்டதற்கு அமைய, விவசாய அமைச்சர் ஐங்கரநேசனும், கல்வி அமைச்சர் குருகுலராசாவும் தமது அமைச்சுப் பதவிகளை விட்டு விலகினர்.
இதையடுத்து, இந்த இரண்டு அமைச்சுப் பொறுப்புகளையும் முதலமைச்சர் விக்னேஸ்வரன் நேற்று பொறுப்பேற்றிருந்தார்.
அதேவேளை, புதிய கல்வி மற்றும் விவசாய அமைச்சர்களை நியமிப்பதற்கான நடவடிக்கைகளையும் முதலமைச்சர் நேற்று ஆரம்பித்துள்ளார்.
இதற்கமைய, ஆளும்கட்சியின் மாகாணசபை உறுப்பினர்களை, தமது சுயவிபரக் கோவையை சமர்ப்பிக்குமாறு முதலமைச்சர் கேட்டுக் கொண்டுள்ளார்.
அதேவேளை, புதிய அமைச்சர்கள் நியமனம் தொடர்பாக அனைத்து தரப்புகளுடனும் கலந்துரையாடி, தீர்மானம் எடுக்கும்படி, வடமாகாண முதலமைச்சரிடம் சில மாகாணசபை உறுப்பினர்கள் கோரியுள்ளதாகவும் தகவல்கள் தெரிவிக்கின்றன.
இப்படியான நிலையில் கிழக்கு மாகாணத்திலும் தகுதியானவர்களை அமைச்சர்களாக நியமிக்க வேண்டுமென்ற கருத்தும் மக்கள் மத்தியில் மேலோங்கி வருகின்றது.
Read More
TamilLetter

அமைச்சரை 'குரங்கு' என திட்டிய மலிங்கவுக்கு விசாரணை

அமைச்சரை 'குரங்கு' என திட்டிய மலிங்கவுக்கு  விசாரணை


சாம்பியன்ஸ் டிராபி அரையிறுதிக்குத் தகுதி பெறாமல் போனதால் இலங்கை அணி வீரர்களின் உடல்தகுதியை விமர்சித்து, அவர்களின் கிரிக்கெட் ஆயுள் குறித்து கேள்வி எழுப்பினார் விளையாட்டுத் துறை அமைச்சர் தயாசிறி ஜெயசேகரா.
முன்னதாக தொலைக்காட்சி ஒன்றில் மலிங்கா கூறிய போது, “நாற்காலியை அலங்கரித்துக் கொண்டிருப்பவர்களின் விமர்சனங்கள் பற்றி கவலையில்லை.
குரங்குக்கு கிளியின் கூடு பற்றி என்ன தெரியும்? கிளியின் கூட்டுக்குள் சென்ற குரங்கு அதைப் பற்றி பேசுவது போல் உள்ளது” என்று ஜெயசேகராவுக்கு கிரிக்கெட் பற்றி என்ன தெரியும் என்ற மலிங்காவின் இந்த உருவகம் மூலம் சாட சிக்கல் எழுந்துள்ளது.
இது குறித்து ஜெயசேகரா கூறியதாவது: “நம் வீரர்களின் மோசமான உடல்தகுதியையே நாம் விமர்சித்தேன், மலிங்காவை குறிப்பிட்டு நான் எதுவும் கூறவில்லை. ஆனால் அவர் பொதுவெளியில் என்னை அசிங்கப்படுத்தியுள்ளார். இதனால் அவர் மீது விசாரணைக்கு உத்தரவிடப்பட்டுள்ளது" என்றார்.
Read More
TamilLetter

பொத்துவில் பகுதியில் திடீர் சுற்றிவளைப்பு-

பொத்துவில் பகுதியில் திடீர் சுற்றிவளைப்பு- 



பொத்துவில் பிரதேசத்தில் சுற்றுலா விடுதிகளில் மேற்கொள்ளப்பட்ட திடீர் சுற்றிவளைப்பின் போது அனுமதிப் பத்திரமின்றி விற்பனை செய்யப்பட்ட பல இலட்சம் ரூபா பெறுமதியான மதுபான வகைகளை மதுவரி திணைக்கள அதிகாரிகள் கைப்பற்றியுள்ளதாக மட்டக்களப்பு அம்பாறை மாவட்ட மதுவரி அத்தியட்சகர் நடராஜா சுசபதரன் தெரிவித்தார்.

மட்டக்களப்பு அம்பாறை மாவட்ட மதுவரி அதிகாரிகள் இணைந்து இன்று காலை மேற்கொள்ளப்பட்ட தேடுதலின் போது மூவர் இது தொடர்பாக கைது செய்யப்பட்டுள்ளதுடன் பொத்துவில் நீதிமன்றத்தில் ஆஜர்படுத்தப்படவுள்ளதாகவும் அவர் தெரிவித்தார்.
உள்நாட்டு வெளிநாட்டு பிராண்டி, பியர், வொட்கா, ரம், வைன், சாராயம் உட்பட பெருமளவிலான மதுபான போத்தல்கள் டின்கள் கைப்பற்றப்பட்டுள்ளன.
மதுவரி அத்தியட்சகர் சுசாதரன் தலைமையிலான மதுவரி அதிகாரிகளினால் தொடர்ந்தும் விசாரணைகள் முன்னெடுக்கப்பட்டுள்ளன.
Read More

Wednesday, June 21, 2017

TamilLetter

வானில் தோன்றிய அதிசயம்

வானில் தோன்றிய அதிசயம்

ஜுன் 22- மாலை நேரம் வானத்தில் வானவில் தோன்றினால் சந்தோசப்படும் நாம், நான்கு வண்ணத்தில் தூண்கள் போன்று காட்சியளிக்கும் வெளிச்சத்தைக் கண்டால் எப்படி இருக்கும்? இதே ஆனந்தம் தான் இரவு நேரத்தில் புகைப்படம் எடுத்துக் கொண்டிருந்த புகைப்படக்காரர்களுக்கு ஏற்பட்டது. 
சபாவில் உள்ள கூடாத் எனும் வட்டாரத்திலிருந்து 31 கிமீ தூரத்தில் இருக்கிறது கெலாம்பு தீவு. ஆள் நடமாட்டம் இல்லாத அழகிய தீவு இது. கெலாம்பு என்றால் மலாய் மொழியில் கொசு வலை என்று அர்த்தம். இந்த தீவும் அப்படி தான். தீவிற்கும் கடலுக்கும் நடுவில் நடந்து மணல் பாதை ஒன்று இயற்கையாகவே அமைந்திருக்கும்.
இங்கு புகைப்படக்காரர்கள் படங்களை எடுக்க அடிக்கடி இங்கு வருவதுண்டு. அப்படி சில புகைப்படக்காரர்களின் காமிரா கண்ணில் சிக்கியது தான் இந்த ஒளித்தூண்கள். அது என்ன ஒளித்தூண்கள்? குளிர்காலத்திலோ அல்லது வட துருவங்களிலோ நடக்கும் ஒளியியல் மாயை தான் இந்த வெளிச்சம். 
அதாவது கரைக்கு அருகில் கிடக்கும் ஐஸ் கட்டிகள் மீது இயற்கையாகவோ செயற்கையாகவோ வெளிச்சம் படும்போது வெளிச்சத்தின் வண்ணத்தை இந்த கட்டிகள் பிரதிபலிக்கும். இது நீள் வடிவில் தெரிவதால் இதற்கு ஒளித்தூண் என்று பெயர் வழங்கப்பட்டது.
கெலாம்பு தீவுக்கு அருகில் நேற்று இரவு இந்த காட்சி உருவாகியுள்ளது. அதில் ஆரஞ்சு, சிவப்பு, பச்சை, மஞ்சள் மற்றும் வெள்ளை நிற ஒளி அழகாக தெரிந்துள்ளது. 
இதனை ஆண்ட்ரூ ஜேகே டான் என்பவர் இரவு 9 மணிக்கு இந்த ஒளித்தூண்களைப் பார்த்துள்ளனர். பின்னர் பின்னிரவு 1 மணியளவில் இந்த வெளிச்சம் மறைந்ததாக அவர் கூறியுள்ளனர். இந்த காட்சியைத் தான் வாழ்நாள் முழுதும் காத்திருந்தாலும் பார்க்க முடியாத அபூர்வ நிகழ்வு. இதனை நான் மறக்கவே மாட்டேன் என்று ஆண்ட்ரூ கூறியுள்ளார்.
இதற்கு முன்பு,  இரண்டு ஆண்டுகளுக்கு முன்பு கோத்தா கினபாலுவில் இந்த ஒளித்தூண்கள் காணப்பட்டன என்பது குறிப்பிடத்தக்கது. 
Read More
TamilLetter

அமைச்சர் ரிஷாட் பதியுதினுக்கு எதிராக பொலிஸ் விசாரணை - பிரதி பொலிஸ் மா அதிபர்

அமைச்சர் ரிஷாட் பதியுதினுக்கு எதிராக பொலிஸ் விசாரணை - பிரதி பொலிஸ் மா அதிபர்
இனங்கள் மற்றும் மதங்களுக்கிடையிலான நல்லிணக்கத்துக்கு களங்கம் ஏற்படும் வகையில் பேசப்பட்ட கருத்துகள் தொடர்பில், இதுவரையில் 21 முறைப்பாடுகள் கிடைக்கப்பெற்றுள்ளன என காவல்துறை ஊடகப் பேச்சாளரும் பிரதி காவல்துறை  மா அதிபருமான பிரியந்த ஜயக்கொடி தெரிவித்துள்ளார்.
இது தொடர்பான மேற்கொள்ளப்பட்டுள்ள குற்றச்சாட்டுக்களின் அடிப்படையில்   வடமாகாணசபை உறுப்பினர் என். கே.சிவாஜிலிங்கம், அமைச்சர் ரிஷாட் பதியூதீன் மற்றும் பொதுபல சேனா அமைப்பின் பொதுச் செயலாளர் கலகொட அத்தே ஞானசார தேரர் ஆகியோருக்கு எதிரான விசாரணைகள் தற்போது முன்னெடுக்கப்பட்டு வருகின்றன எனவும் அவர் தெரிவித்துள்ளார்.
அரசாங்கத் தகவல் திணைக்களத்தில் நேற்றையதினம் இடம்பெற்ற  ஊடகவியலாளர் சந்திப்பிலேயே அவர் மேற்கண்டவாறு தெரிவித்தார்.
தேரர் ஒருவரைக்  கைது செய்வதற்கும் சாதாரண பொதுமகன் ஒருவரைக் கைது செய்வதற்குமிடையில் காணப்படும்  பாரிய வித்தியாசங்கள் காரணமாகவே ஞானசார தேரரை கைது செய்வதில் இடையூறுகள் காணப்பட்டதாகவும் அவர் தெரிவித்துள்ளார்.
இனவாத மற்றும் வெறுப்புப் பிரசாரங்கள் குறித்து விசாரணைகளை ஆரம்பித்துவிட்டதாக தெரிவித்த அவர் இனவாதத்தை எவர் வெளியிட்டாலும் அவருக்கு எதிராக பாரபட்சம் பாராது நடவடிக்கை எடுக்கப்படும் என்பதால் தற்போதே இதற்கான விசாரணைகள் ஆரம்பிக்கப்பட்டுவிட்டதாகவும்  இதற்காக சட்டமா அதிபரின் ஆலோசனையும் பெற்றுக்கொள்ளப்படும் எனவும் தெரிவித்தார்.
Read More
TamilLetter

சுகாதார அமைச்சிற்குள் பலவந்தமாக நுழைந்த மாணவர்கள் - பொலிஸார் மோதல்

சுகாதார அமைச்சிற்குள் பலவந்தமாக நுழைந்த மாணவர்கள்  - பொலிஸார் மோதல்

தனியார் மருத்துவக் கல்லூரிக்கு எதிராக முன்னெடுக்கப்பட்ட ஆர்ப்பாட்டத்தின் போது, மாணவர் அமைப்பின் செயற்பாட்டாளர்கள், சுகாதார அமைச்சிற்குள் பலவந்தமாக நுழைந்தனர்.

அவர்களை கலைப்பதற்கு பொலிஸார் நடவடிக்கை எடுத்தனர்.

மருத்துவ செயற்பாட்டு மாணவர் குழு மற்றும் அனைத்து பல்கலைக்கழக மாணவர் ஒன்றிய மாணவர்கள், லிப்டன் சுற்றுவட்டத்திலிருந்து பேரணியை ஆரம்பித்தனர்.

இவ்வாறு பேரணியாக சென்றவர்கள் சுகாதார அமைச்சுக்குள் பலவந்தமாக நுழைந்தனர்.

அமைச்சின் பிரதான கட்டடத்திற்குள் நுழைந்த ஆர்ப்பாட்டக்காரர்கள் கலந்துரையாடலொன்று அவசியம் என கோரினர்.

இந்த எதிர்ப்பு ஆர்ப்பாட்டத்தை இடையூறின்றி முன்னெடுக்கப்பட வேண்டும் என பொலிஸார் நீதிமன்ற உத்தரவைப் பெற்றிருந்தனர்.

அமைதியாக கலைந்துசெல்லுமாறு விடுக்கப்பட்ட வேண்டுகோள் தொடர்ந்தும் நிராகரிக்கப்பட்ட நிலையில், அவர்களை கலைப்பதற்கு பொலிஸார் நடவடிக்கை எடுத்தனர்.

இதன்போது காயமடைந்த 80 மாணவர்கள் தேசிய வைத்தியசாலையில் அனுமதிக்கப்பட்டுள்ளதாக வைத்தியசாலையின் பணிப்பாளர் தெரிவித்தார்.

காயமடைந்த விசேட அதிரடிப்படையினர் ஐவரும் வைத்தியசாலையில் அனுமதிக்கப்பட்டுள்ளனர்.

மாணவர்கள் அமைச்சுக்குள் நுழைந்தமையால் அமைச்சின் செயற்பாடுகளுக்கு இடையூறு ஏற்பட்டதாக பொலிஸார் தெரிவித்தனர்.
Read More
TamilLetter

முதலாவது இருபதுக்கு-20 போட்டி இன்று!

முதலாவது இருபதுக்கு-20 போட்டி இன்று!


இங்கிலாந்து – தென்னாபிரிக்க அணிகளுக்கிடையிலான முதலாவது இருபதுக்கு-20 போட்டி இன்று  சௌத்தெம்டனில் நடைபெறவுள்ளது.

இந்த போட்டியில் இங்கிலாந்து அணியின் தலைவராக இயன் மோர்கன் செயற்படவுள்ளதுடன், தென்னாபிரிக்க அணியின் தலைவராக வில்வியர்ஸ் செயற்படுகின்றார்.
தென்னாபிரிக்க அணியை பொருத்தவரையில் டுபிளசிஸ் இருபதுக்கு-20 தொடரிலிருந்து வெளியேறியுள்ளதுடன், இங்கிலாந்து அணிக்கெதிரான முதலாவது டெஸ்ட் போட்டியில் விளையாடுவதும் சந்தேகத்துக்கிடமாகியுள்ளது.
இங்கிலாந்துக்கு எதிரான ஒருநாள் தொடரை தென்னாபிரிக்க அணி 2-1 என தோல்வியடைந்திருந்த நிலையில், இருபதுக்கு-20 தொடரை கைப்பற்ற வேண்டும் என்ற நோக்கில் களமிறங்கும் என்பது குறிப்பிடத்தக்கது.
Read More