News Update :

Monday, September 28, 2020

TamilLetter

16 வருட தவிப்பின் பலன் : ஐந்து வயதில் தொலைந்த மகன் ஹிந்தி நடிகரைபோல திரும்பி வந்தான் என்கிறார் தாய் சித்தி கமாலியா ! - மாளிகைக்காட்டில் சம்பவம்

 16 வருட தவிப்பின் பலன் : ஐந்து வயதில் தொலைந்த மகன் ஹிந்தி நடிகரைபோல திரும்பி வந்தான் என்கிறார் தாய் சித்தி கமாலியா ! - மாளிகைக்காட்டில் சம்பவம் 



தொகுப்பு : நூருல் ஹுதா உமர் 

சுனாமியில் பாதிக்கப்பட்டு அன்றைய தினம் ஐந்து வயதில் காணாமல் போன அக்ரம் ரிஸ்கான் எனும் இளைஞர் 21 வயது நிரம்பிய நிலையில் மாளிகைக்காட்டில் வசிக்கும் அபுசாலி சித்தி கமாலியா எனும் தனது தாயை தேடிவந்து சேர்ந்துள்ள சம்பவம் ஒன்று நேற்று நடைபெற்றுள்ளது. 

காரைதீவு பிரதேச செயலக நிர்வாத்தின் கீழுள்ள மாளிகைக்காடு கிழக்கில் வசிக்கும் அபுசாலி சித்தி கமாலியா எனும் தாய் தன்னுடைய ஒரே மகனான அக்ரம் ரிஸ்கானை சுனாமி அலையில் தொலைத்துவிட்டு நெடுநாளாக செய்வதறியாது திணறிக்கொண்டு தன்னுடைய சக்திக்கும் அப்பாற்பட்ட பல முயற்சிகளை செய்து இன்று மகனை கண்டுபிடித்த வெற்றி சந்தோசம் மேலோங்க இப்படி பேசுகிறார். 

அஸ்ரப் ஞாபகார்த்த வைத்தியசாலை ஊழியரான நான் சுனாமியன்று வைத்தியசாலைக்கு கடமைக்கு சென்றிருந்தேன். அன்றைய தினம் திக்கு திசை தெரியாமல் ஐந்து வயதில் சென்ற என்னுடைய மகன் இன்று என்னிடம் வந்தடைந்திருப்பது உச்சகட்ட மகிழ்ச்சியை தருகிறது. என்னுடைய மகன் உயிருடன் இருக்கிறார் என்று சிலரும் மரணித்துவிட்டார் என்று பலரும் என்னிடம் நேரடியாகவே கூறியிருந்த போதிலும் நான் என்னுடைய முயற்சியை தளரவிடாமல் 16 வருடங்களாக ஏக்கத்துடன் போராடினேன். இன்று என்னுடைய போராட்டம் வெற்றியடைந்துள்ளது. 

சுனாமி தாக்கி மூன்று நாட்களின் பின்னர் என்னுடைய சகோதரியின் கணவரான ஓய்வு பெற்ற பிரதேச செயலாளரிடன் ஒருவர் வந்து எனது மகன் வைத்தியசாலையில் இருப்பதாக கூறினார்கள். நாங்கள் அங்கு சென்று பார்த்தபோது என்னுடைய மகனை அங்கிருந்து யாரோ அழைத்து சென்றுள்ளார்கள் என்பதை அறிந்தோம். அது எங்களுக்கு பெரிய ஏமாற்றமாக இருந்தது. நான் யாரை சந்தித்தித்தாலும் என்னுடைய மகனின் புகைப்படத்தை காட்டி விளக்கம் சொல்வேன். எங்கு என்னுடைய மகன் இருக்கிறான் என்று கேள்விப்பட்டாலும் அங்கு சென்று தேடுவதை பழக்கமாக கொண்டிருந்தேன்.

என்னுடைய போராட்டத்தில் என்னுடைய உறவுகள் பலரும் பலவகையான உதவிகளையும் செய்தார்கள். ஆனால் இலங்கை மனித உரிமைகள் ஆணைக்குழுவின் கல்முனை காரியாலயம் எனக்கு எவ்விதமான உதவிகளையும் செய்யவில்லை. பொலிஸாரும் கூட என்னை கடும் தொனியில் மிரட்டினார்கள். உயர் பொலிஸ் அதிகாரி ஒருவர் என்னை கடுமையாக மிரட்டி சிறையில் அடைக்கப்போவதாக எச்சரித்த அந்த நாள் இப்போதும் எனக்கு நன்றாக நினைவிருக்கிறது. அவருக்கு என்னுடைய ஏக்கங்களை வார்த்தைகளில் சொல்லிவிட்டு வந்தேன். கொழுப்பில் உள்ள மனித உரிமைகள் ஆணைக்குழுவின்  தலைமையகத்தில் முறையிட்டேன். அதுவும் கைகூடவில்லை. வசந்தம் தொலைக்காட்சி முதல் நிறைய ஊடகங்களில் இது பற்றி பேசியுள்ளேன். 

கடந்த 2016 ஆம் ஆண்டு என்னுடைய மகன் ஒரு சிங்கள பாடசாலையில் கல்வி கற்பதாக என்னுடைய சிங்கள நண்பி ஒருவர் எனக்கு தெரியப்படுத்தினார். அவரின் உதவியுடன் அந்த பாடசாலைக்கு சென்று என்னுடைய மகனை காண பல வகையான முயற்சிகளை செய்தேன். அந்த பாடசாலை அதிபர், ஆசிரியர்கள் அவரை எனக்கு காட்ட மறுத்து இன்று பாடசாலைக்கு வரவில்லை என்று மறுத்துவிட்டார்கள். 

பல நாட்களாக சிங்கள பெண்மணிகள் போல ஆடையுடுத்து என்னுடைய வேலைகளையும் விட்டுவிட்டு ஏக்கத்துடன் அந்த வீதிகளில் மகனை காண அலைந்து திரிந்தேன். விற்பனை பிரதிநிதிபோல, தொழில்வழங்குனர்போல, பிச்சைகாரிபோல பல வேஷங்கள் போட்டு அலைந்திருக்கிறேன். எனக்கு நம்பிக்கை இருந்தது என்னுடைய மகன் என்னிடம்  வந்து சேரும் நாள் வரும் என்று. பல கஷ்டங்களையும் அவமானங்களையும் இதற்காக நான் சந்தித்துள்ளேன். என்னுடைய கணவர் என்னுடன் இல்லை அவர் வேறு திருமணம் செய்து கொண்டு சென்றுவிட்டார். அதனால் தனியாகவே என்னுடைய தேடும் படலம் தொடர்ந்தது. 

அரசியல்வாதிகள் முதல் ஜனாதிபதி மட்டம் வரை என்னுடைய பிரச்சினைகளை பேசினேன் அவர்கள் யாரும் கணக்கில் எடுக்கவே இல்லை. ஒரு நிறுவனம் ஒன்றின் மூலம் மகனின் இருப்பிடத்தை அறிந்துகொண்ட நான் அங்கு வேறு ஒருவர் போல சென்று என்னுடைய மகனை சந்தித்தேன். அவருடன் தொழில்வழங்குவர் போல பேசி மகனின் தகவல்களை பெற்றுக்கொண்டேன். மகனும் என்னை அடையாளம் கண்டுகொண்டார். 

பின்னர் தொலைபேசியில் நாங்கள் பேசிக்கொண்டோம். எனக்கு தெரிந்த அவருடைய அங்க அடையாளங்களை பற்றி விரிவாக பேசி என்னுடைய மகன் தான் என்பதை உறுதிப்படுத்தி கொண்டேன். பின்னர் அவரை வளர்த்த அந்த சிங்கள சகோதரியிடம் கொழும்புக்கு வேலைக்கு போகப்போவதாக கூறிவிட்டு அவர் என்னை தேடி வந்துள்ளார். ஹிந்தி நடிகர் போல அழகான என்னுடைய மகன் எனக்கு திருப்பி கிடைத்துள்ளான். 

மக்காவுக்கு சென்று பிராத்தித்த என்னுடைய பிரார்தனை வீண்போக வில்லை. விரைவில் நான் அவரை இஸ்லாமிய சடங்குகள் செய்து மக்காவுக்கு அழைத்து செல்ல தயாராக உள்ளேன். எனது மகனை வளர்த்த அந்த தாய்க்கு எதிர்காலத்தில் என்னால் முடியுமான உதவிகளை செய்ய தயாராக உள்ளேன் என்றார். 

மகனிடம் பேச எத்தனித்த போது அவர் மிகப்பெரும் சங்கடத்தில் உள்ளதாலும் தமிழை பேச முடியாமல் திணறுவதாலும் ஒழுங்காக பேச முடியாமல் தவித்தார். இருந்தாலும் சிங்கள மொழியில் என்னால் கேட்கப்பட்ட கேள்விகளுக்கு தாயை வந்தடைந்தது சந்தோசமாளிப்பதாக கூறினார். அவர் அழும் நிலையில் இருப்பதால் அவரிடம் தொடந்து எதுவும் கேட்க முடியவில்லை.



UMAR LEBBE NOORUL HUTHA UMAR 
BBA (HRM), Dip.In. Journalism, IBSL, ICDL
Read More
TamilLetter

ஸ்ரீலங்கா முஸ்லீம் காங்கிரஸ் 20 ஆவது அரசியல் அமைப்பு திருத்த சட்டமூலத்தை எதிர்த்து மனு

 


பாராளுமன்றத்தில் முன்வைக்கப்பட்டுள்ள 20 ஆவது அரசியல் அமைப்பு திருத்தம் தொடர்பான சட்டமூலத்தை சவாலுக்கு உட்படுத்தி நாளை வரை (29) உயர் நீதிமன்றத்தில் மனுக்களை தாக்கல் செய்ய முடியும் என தெரிவிக்கப்பட்டுள்ளது.


கடந்த 22 ஆம் திகதி 20 ஆவது அரசியல் அமைப்பு திருத்தம் தொடர்பான சட்டமூலத்தை நீதி அமைச்சர் அலி சப்ரி பாராளுமன்றத்தின் முன்வைத்தார்.

அவ்வாறு முன்வைக்கப்பட்டுள்ள 20 ஆவது அரசியல் அமைப்பு திருத்தத்தை சவாலுக்கு உட்படுத்தி நீதிமன்றத்தை நாட கடந்த ஒருவார கால அவகாசம் வழங்கப்பட்டது.

அதற்கமைய 20 ஆவது அரசியல் அமைப்பு திருத்தத்தை எதிர்த்து 20 க்கும் குறைவான மனுக்கல் தாக்கல் செய்யப்பட்டுள்ளன.

தீர்ப்பை வழங்க 21 நாட்கள் உயர் நீதிமன்றத்திற்கு கால அவகாசம் வழங்கப்பட்டுள்ளது.

இந்த காலப் பகுதியில் குறித்த சட்டமூலம் தொடர்பில் எந்தவொரு நடவடிக்கையையும் பாராளுமன்றத்தால் எடுக்க முடியாது.

இதேவேளை, இன்றைய தினம் (28) ஸ்ரீலங்கா முஸ்லீம் காங்கிரஸ் 20 ஆவது அரசியல் அமைப்பு திருத்த சட்டமூலத்தை எதிர்த்து மனு ஒன்றை தாக்கல் செய்யவுள்ளதாகவும் தெரிவிக்கப்படுகின்றது.
Read More

Monday, August 17, 2020

TamilLetter

அமைச்சர் அலி சப்ரியின் கருத்துக்கள் ஆறுதல் அளிப்பதாக இருக்க வேண்டும்’ - மு.கா பிரதித்தலைவர் ஹாபிஸ் நஸீர்!

 அமைச்சர் அலி சப்ரியின் கருத்துக்கள் ஆறுதல் அளிப்பதாக இருக்க வேண்டும் - மு.கா பிரதித்தலைவர் ஹாபிஸ் நஸீர்!


 ஊடகப்பிரிவு-

 

நீதி அமைச்சராகத் தெரிவு செய்யப்பட்டுள்ள அலி சப்ரிசகல சமூகங்களாலும் நேசிக்கப்படும் வகையில்பவ்வியமான கருத்துக்களை வௌியிடுவாரென தான் எதிர்பார்ப்பதாக ஶ்ரீலங்கா முஸ்லிம் காங்கிரஸின் பிரதித் தலைவரும் மட்டக்களப்பு மாவட்ட பாராளுமன்ற உறுப்பினருமான ஹாபிஸ் நஸீர் அஹமட் தெரிவித்துள்ளார்.

 

ராஜபக்ஷக்களின் அரசாங்கத்தில்நீதி அமைச்சராக அலி சப்ரி நியமிக்கப்பட்டுள்ளதைமுஸ்லிம் காங்கிரஸ் பெருமனதுடன் வரவேற்பதாகவும் அவர் மேலும் தெரிவித்துள்ளார்.

 

எனினும்அவர் அண்மையில் தெரிவித்து வரும் கருத்துக்கள் தொடர்பில்ஹாபிஸ் நஸீர் அஹமட் குறிப்பிட்டுள்ளதாவது,

 

"குறித்த ஒரு சமூகத்தின் பிரதிநிதியாகச் செயற்படாதுஅரசாங்கத்தின் கொள்கைகளைத் துணிச்சலுடன் முன்னெடுக்கவுள்ளதாக அவர் தெரிவித்துள்ளமைசிறுபான்மை மக்களை அதிருப்திக்குள்ளாக்கியுள்ளது. அமைச்சுப் பொறுப்பையேற்ற சில பொழுதுகளில் இவ்வாறான கருத்தை அமைச்சர் அலி சப்ரி வௌியிட்டமைமகிழ்ச்சிப்பிரவாகத்தின் வௌிப்பாடாகவே நான் பார்க்கிறேன். எந்த விடயத்திலும் உணர்ச்சிவசப்படாமல் கருத்துக்களை வௌியிட வேண்டிய காலத் தேவையில் நாம் உள்ளோம். சில தலைமைகளின் உணர்ச்சிகரப் போக்குகளேசிறுபான்மைச் சமூகங்களை இன்று பெருந்தேசிய அரசியலிலிருந்து தனிமைப்படுத்தியுள்ளது.

 

எனவே,பொறுப்புமிக்க அமைச்சைப் பொறுப்பேற்றுள்ள அலிசப்ரிதுள்ளாமலும் துவழாமலும் நடந்துகொள்வதுதான்இந்த அரசாங்கத்தின் நம்பகத்தன்மையை சிறுபான்மையினர் மத்தியில் இன்னும் அதிகரிக்கச் செய்யும்.

 

அரசியலமைப்பின் 19 ஆவது சரத்தை நீக்கும் விடயத்தில் "எவருக்கும் அஞ்சப்போதில்லை" என்று அவர் எதற்காகக் கூற வேண்டும். தேவைக்கு அதிகமான பாராளுமன்றப் பலத்தையுடைய அரசு எவருக்கும் அஞ்ச வேண்டியதில்லைதான். ஆனால்இதிலுள்ள தர்மங்கள்நியாயங்களைச் சிந்திப்பது ஒரு அரசின் கடமை என்பதை அமைச்சர் என்ற வகையில்அலி சப்ரி மறக்கலாகாது. இவ்வாறு செயற்பட்டாவது சிறுபான்மையினரின் நலன்களைப் பாதுகாப்பீர்கள் என எதிர்பார்க்கின்றேன்.

 

உங்களை வைத்துத்தான் முஸ்லிம்களின் சில மத விடயங்களை வெல்வதற்கு எமது சமூகம் எதிர்பார்த்துள்ளது. ஆனால்தாங்கள் தெரிவித்து வரும் கருத்துக்கள்இருப்பதையும் இல்லாமல் செய்வதற்கு நீங்கள் உடந்தையாக்கப்படுவீர்களோ! என்றே முஸ்லிம்கள் அஞ்சுகின்றனர்.

 

ஷரீஆச் சட்டம்அரபு மத்ரஸாக்கள்முஸ்லிம் தனியார் சட்டம்விவாக - விவாகரத்துச் சட்டம் உள்ளிட்ட பல விடயங்களை அரசுக்கு தெளிவுபடுத்திஎமது கலாசாரத்தைப் பாதுகாப்பீர்கள் என எதிர்பார்க்கின்றோம். அத்துடன்முஸ்லிம்களை இந்த அரசுக்கு எதிராக திசை திருப்பிய காரணிகளை இல்லாமல் செய்வதும் உங்கள் கடமையில் தங்கியுள்ளது என்பதுவும் எமது நம்பிக்கை.

 

எனவேஉங்களுக்குக் கிடைத்த இந்த முக்கிய அமைச்சுப் பதவியூடாக சிறுபான்மையினரின் குறிப்பாகமுஸ்லிம்களின் மதகலாசார நம்பிக்கைகளை பாதுகாக்கும் வகையில்செயற்பட வேண்டுமென எதிர்பார்க்கின்றோம்” என்று ஹாபிஸ் நஸீர் அஹமட் தெரிவித்துள்ளார்.

3 Attachments
 

Read More
TamilLetter

அரசியலைமைப்பின் 20 திருத்தம் முதலாவது அமைச்சரவை கூட்டத்தில் முன்வைக்கப்படும் ; அமைச்சர் அலி சப்ரி

 அரசியலைமைப்பின் 20 திருத்தம் முதலாவது அமைச்சரவை கூட்டத்தில் முன்வைக்கப்படும் ; அமைச்சர் அலி சப்ரி 


 ஊடகப்பிரிவு-

அரசியலைமைப்பின் 20 திருத்தம் முதலாவது அமைச்சரவை கூட்டத்தில் முன்வைக்கப்படும் என நீதி அமைச்சர் அலி சப்ரி குறிப்பிட்டார்.
எதிர்வரும் புதன்கிழமை இடம்பெறும் கூட்டத்தில் அரசியலமைப்பின் 20’ம் திருத்த யோசனை வரைவு முன்வைக்கப்பட்டு அதற்கான ஒப்புதல் பெறப்படும் என அவர் குறிப்பிட்டார்.
அதன் பின்னர் குறித்த  திருத்தம் அமைச்சரவை அனுமதி பெறப்பட்ட பின்னர் சட்டமா அதிபர் திணைக்களத்திற்கு அனுப்பப்பட்டு

 பின்னர் மீண்டும் அமைச்சரவைக்கு சமர்ப்பிக்கப்பட்டு அடுத்த மாதம் பாராளுமன்றில் சமர்ப்பிக்கப்பட உள்ளதாக அவர் மேலும் குறிப்பிட்டார்.

Read More

Wednesday, August 12, 2020

TamilLetter

பலரது எதிர்ப்பை மீறி பிரதமர் மகிந்த ராஜபக்ச எடுத்த தீர்மானம் சிறந்த தீர்மானம் என பாராட்டிய மங்கள சமரவீர!

 

பல்வேறு தரப்பிலிருந்தும் முன்வைக்கப்பட்ட எதிர்ப்பை மீறி, ஸ்ரீலங்கா பொதுஜன பெரமுனவின் தேசிய பட்டியல் மூலம் நாடாளுமன்றத்திற்கு தெரிவு செய்யப்பட்ட ஜனாதிபதி சட்டத்தரணி மொஹமட் அலி சப்றியை நீதியமைச்சராக நியமிக்க, பிரதமர் எடுத்த தீர்மானம் சிறந்த தீர்மானம் என முன்னாள் நிதியமைச்சர் மங்கள சமரவீர பாராட்டியுள்ளார்

அமைச்சரவையில் உள்ள ஏனைய உறுப்பினர்கள் குறித்து அக்கறை செலுத்தவில்லை எனவும் ராஜாங்க அமைச்சர்களுக்கு ஒதுக்கப்பட்டுள்ள துறைகள் கேலிக்குரியவை என மங்கள தனது டுவிட்டர் பக்கத்தில் இட்டுள்ள பதிவில் கூறியுள்ளார்.

நடந்து முடிந்த பொதுத் தேர்தலில் ஐக்கிய மக்கள் சக்தியின் சார்பில் மாத்தறை மாவட்டத்தில் வேட்புமனுவை தாக்கல் செய்திருந்த மங்கள சமரவீர தேர்தல் போட்டியில் இருந்து விலகிக்கொண்டதுடன் தனக்கு வாக்களிக்க வேண்டாம் எனவும் மக்களிடம் கோரிக்கை விடுத்தார். அத்துடன் நாடாளுமன்ற அரசியலில் இருந்து விலகுவதாகவும் அவர் அறிவித்திருந்தார் என்பது சுட்டிக்காட்டத்தக்கது.

Read More

Tuesday, August 11, 2020

TamilLetter

பெயர் ‘ஸ்புட்னிக்-5’ கொரோனா தடுப்பூசி வெற்றி பெற்றதாக ரஷ்யா அறிவிப்பு!

 

உலகிலேயே முதல் முறையாக கொரோனா வைரசை தடுப்பதற்கான தடுப்பூசி, நேற்றுப் புதன்கிழமை காலையில் பதிவு செய்யப்பட்டுள்ளது. இது மிகவும் திறம்பட செயல்படுகிறது என்று எனக்கு தெரியும். இது ஒரு நிலையான எதிர்ப்பு சக்தியை உருவாக்குகிறது என ரஷ்ய அதிபர் விளாடிமீர் புடின் அறிவித்துள்ளார்.

தடுப்பூசியானது, தேவையான சோதனைகளுக்கு உட்படுத்தப்பட்டு விட்டது. இந்த தடுப்பூசி ஆற்றல் மிக்கது என்பது சோதனைகளில் நிரூபிக்கப்பட்டுள்ளது. இது பாதுகாப்பானது எனவும் தெரிய வந்துள்ளது என அவர் சுட்டிக்காட்டியுள்ளார்.

இத்தடுப்பூசியை எனது 2 மகள்களில் ஒருவர் போட்டுக்கொண்டார். அவருக்கு முதல் தடுப்பூசி போடப்பட்டபோது உடல் வெப்ப நிலை 100.4 டிகிரி பாரன்ஹீட் இருந்தது. மறுநாளில் அவளது உடல் வெப்பநிலை 98.6 டிகிரி பாரன்ஹீட்டாக குறைந்து விட்டது.

இரண்டாவது டோஸ் தடுப்பூசியும் அவருக்கு செலுத்தப்பட்டது. அப்போது அவரது உடல் வெப்ப நிலை லேசாக அதிகரித்தது. பின்னர் அது சரியாகி விட்டது. இப்போது அவர் நன்றாக இருப்பதாக உணர்கிறார். அவருக்கு நல்ல அளவில்நோய் எதிர்ப்பு சக்தி உருவாகி உள்ளன என்றார்.

இந்த தடுப்பூசிக்கு ‘ஸ்புட்னிக்-5’ என்று ரஷ்யா பெயரிடப்பட்டுள்ளது. 1957 ஆம் ஆண்டு ரஷியாவில் ஏவப்பட்ட ஸ்புட்னிக்-1 விண்கலம், முதல் விண்கலம் என்ற வகையில் உலகம் முழுவதும் விண்வெளி ஆராய்ச்சியை தூண்டியது.

அதே போன்று உலகில் பதிவு செய்யப்பட்ட முதல் கொரோனா வைரஸ் தடுப்பூசி என்ற வகையில் ‘ஸ்புட்னிக்-5’ என்ற பெயர் சூட்டப்பட்டுள்ளது.

ரஷ்யாவின் இராணுவ அமைச்சும், கமலேயா தொற்றுநோயியல் நுண்ணுயிரியல் அறிவியல் ஆராய்ச்சி நிறுவனமும் சேர்ந்தே இதனை உருவாக்கியுள்ளனர்.

ரஷ்ய சுகாதார மந்திரி மிக்கேல் முராஷ்கோ கூறும்போது, 

தடுப்பூசியின் மருத்துவ பரிசோதனைகள் முடிந்து விட்டன. முதலில் மருத்துவ ஊழியர்கள் மற்றும் ஆசிரியர்கள் இந்த தடுப்பூசியை பெறுவார்கள். அதைத் தொடர்ந்து பல கட்டங்களாக பொதுமக்களுக்கு இந்த தடுப்பூசி போடப்படும். 

முதலில் பாதிக்கப்பட்ட நபர்களுடன் தொடர்பில் இருந்தவர்களுக்கு தடுப்பூசியை வழங்க விரும்புகிறோம் என்று தெரிவித்தார்.

இத்தடுப்பூசியை போட்டுக்கொள்வதற்கு பிலிப்பைன்ஸ் நாட்டின் அதிபர் ரோட்ரிகோ டியுடர்டே முன்வந்துள்ளார என்பது அனைவரது கவனத்தையும் ஈர்த்துள்ளது.

தடுப்பூசியை வாங்குவதற்கு உலக நாடுகள் பலவும் ஆர்வம் காட்டுகின்றன. 20 நாடுகளில் இருந்து இந்த தடுப்பூசியின் 100 கோடி ‘டோஸ்’களுக்கு ஆர்டர் கிடைத்துள்ளதாக ரஷிய நேரடி முதலீட்டு நிதியத்தின் தலைமை செயல் அதிகாரி கிரில் டிமிட்ரீவ் கூறினார்.

5 நாடுகளில் உள்ள தங்களது கூட்டாளிகள் மூலம் 50 கோடி தடுப்பூசி ‘டோஸ்’கள் தயாரிப்பை உறுதி செய்ய தயாராக உள்ளதாகவும், அதைத் தொடர்ந்து உற்பத்தியை மேலும் பெருக்குவதற்கு திட்டமிட்டுள்ளதாகவும் அவர் குறிப்பிட்டார்.

Read More
TamilLetter

நிபந்தனைகளை ஒருபோதும் ஏற்கமாட்டோம், பெரமுனவின் அமைப்பாளர் பசில் ராஜபக்ச

 

தமிழ் தேசிய கூட்டமைப்பின் நிபந்தனைகளை ஒருபோதும் ஏற்கமாட்டோம், நிபந்தனை அடிப்படையில் எம்முடன் எவரும் அரசியல் நடத்த முடியாது என்று பொதுஜன பெரமுனவின் அமைப்பாளர் பசில் ராஜபக்ச உறுதிபடத் தெரிவித்துள்ளார்.

சிங்கள தொலைக்காட்சி அரசியல் விவாத நிகழ்ச்சியில் கருத்து வெளியிடும்போதே அவர் இவ்வாறு கூறினார்.

தமிழ்த் தேசியக் கூட்டமைப்பினர் தமிழர்களின் ஏகப் பிரதிநிதிகள் அல்லர். கூட்டமைப்பினால் முன்வைக்கப்பட்டுள்ள சமஷ்டி உள்ளிட்ட கோரிக்கைகளை ஏற்க முடியாது. அவர்களுடன் பேச்சு நடத்த வேண்டிய தேவையும் எழவில்லை.

வடக்குக்கு மாகாண சபையை வழங்கினோம். அதனூடாகப் பயன்பெறவில்லை. முதல் தடவையாக கிழக்கு மாகாண சபைத் தேர்தலில்கூட தமிழ்த் தேசியக் கூட்டமைப்பு போட்டியிடவில்லை. அடுத்த முறை நாம் நிச்சயம் கிழக்கு மாகாண சபையைக் கைப்பற்றுவோம்.

யாழ். தேவியை ராஜபக்ச அரசே தலைமன்னார் வரை கொண்டு சென்றது. ஆனாலும், ஐக்கிய தேசியக் கட்சியையே கூட்டமைப்பு ஆதரித்தது. ஐ.தே.க. ஆட்சியைப் பாதுகாத்தது. வரவு - செலவுத் திட்டங்களுக்கு ஆதரவு வழங்கியது.

எமது ஆட்சியில்தான் யாழ்ப்பாணத்துக்கு 24 மணி நேரமும் மின்சாரம் வழங்க நடவடிக்கை எடுக்கப்பட்டது.

எனவே கூட்டமைப்பு ஊடாக அல்லது வடக்கு, கிழக்கில் எம்மால் தனித்து இயங்கி மக்களின் தேவைகளைப் பூர்த்தி செய்து கொள்ள முடியும் என குறிப்பிட்டுள்ளார்.

Read More

Monday, August 10, 2020

TamilLetter

அமெரிக்க தலைவர்களுக்கு எதிராகப் பொருளாதாரத் தடை!

 

அமெரிக்காவுக்கும் சீனாவுக்கும் இடையிலான உறவு மிகவும் மோசமாக விரிசலடைந்து வருகின்றது. 

சீனாவின் ஆளுகைக்குட்பட்ட ஹாங்காங்கில் சர்ச்சைக்குரிய தேசிய பாதுகாப்பு சட்டத்தை சீனா அமல்படுத்தியதற்கு அமெரிக்கா கடும் கண்டனம் தெரிவித்திருந்ததுடன் ஹாங்காங் நிர்வாக தலைவர் கேரி லாம் உள்பட சீனா மற்றும் ஹாங்காங் அதிகாரிகள் 11 பேர் மீது அமெரிக்கா கடந்த வாரம் பொருளாதார தடை விதித்தது.

இந்த நடவடிக்கையை கண்டித்து ஹாங்காங் அரசாங்கம் ஒரு அறிக்கையை வெளியிட்டது. வெளிநாட்டு அரசாங்கங்கள் விதித்த ஒருதலைப்பட்ச பொருளாதாரத் தடைகள் ஹாங்காங்கில் சட்டபூர்வமான அந்தஸ்து இல்லை என்று எச்.கே.எம்.ஏ (ஹாங்காங் நாணய ஆணையம்) கூறியுள்ளது.

அமெரிக்காவின் செயலுக்குப் பதிலடியாக சீனாவும் 11 அமெரிக்க அரசியல் தலைவர்கள் மீது பொருளாதாரத் தடையை விதித்துள்ளது. தடை செய்யப்பட்ட 11 பேரில் 6 அமெரிக்க செனட் சபை உறுப்பினர்களும் 5 அமெரிக்கப் பிரசைகளும் அடங்குவர். தடை விதிக்கப்பட்ட 11 பேரும் ஹாங்காங் தொடர்பான பிரச்சினையில் மோசமாக செயல்பட்டவர்கள் என சீனா குறிப்பிட்டுள்ளது.

அமெரிக்க செனட்டர்கள் மார்கோ ரூபியோ, டெட் க்ரூஸ், பாட் டூமி, ஜோஷ் ஹவ்லி, டாம் காட்டன் மற்றும் காங்கிரஸ்காரர் கிறிஸ் ஸ்மித் ஆகியோருக்கு எதிராக பரஸ்பரம் பொருளாதாரத் தடைகளை விதித்துள்ளது.

மார்கோ ரூபியோ, டெட் குரூஸ் ஆகிய இருவரும் சீனாவுக்குள் நுழைவதற்கு அந்த நாடு ஏற்கனவே தடை விதித்துள்ளது குறிப்பிடத்தக்கது.

இதேநேரம் ஹாங்காங்கில் இருந்து வெளிவரும் ரைபூன் பத்திரிகையின் அதிபர் உட்பட்ட 6 புதிய தேசிய பாதுகாப்புச் சட்டத்தின் கீழ் கைது செய்யப்பட்டுள்ளனர். அத்துடன் மேலும் மூவர் கைது செய்யப்பட்டுள்ளனர்.

இவர்கள் வெளிநாட்டு சக்திகளுடன் கூட்டுச் சேர்ந்ததாக இவர்கள் மீது குற்றம் சாட்டப்பட்டுள்ளது.

Read More
TamilLetter

பெரும் இழுபறிக்குள் மத்தியில் தேசியப் பட்டியல் உறுப்பினராக கலையரசன் வர்த்தமானி மூலம் அறிவிப்பு!

 

அம்பாறை மாவட்டத்தைச் சேர்ந்த தவராசா கலையரசன், இலங்கை தமிழ் அரசுக் கட்சியின் தேசியப் பட்டியல் உறுப்பினராக நியமிக்கப்பட்டுள்ளதாக தேர்தல்கள் ஆணைக்குழு அதிகாரபூர்வமாக அறிவித்துள்ளது.

பொதுத் தேர்தலில் கட்சிகள் பெற்ற வாக்குகளின் அடிப்படையில் 29 தேசியப் பட்டியல் ஆசனங்கள் பல்வேறு அரசியல் கட்சிகளுக்கும் ஒதுக்கப்பட்டிருந்தன.

இதற்கமைய, சிறிலங்கா பொதுஜன பெரமுனவுக்கு கிடைத்த 17 தேசியப் பட்டியல் ஆசனங்களுக்குரிய நியமனங்களை உறுதிப்படுத்தி அந்தக் கட்சி பட்டியல் ஒன்றை சமர்ப்பித்திருந்தது. மேலும் இலங்கை தமிழ் அரசுக் கட்சி, மற்றும் அகில இலங்கை தமிழ் காங்கிரஸ் ஆகிய கட்சிகளின் சார்பிலும் தலா 1 தேசியப் பட்டியல் உறுப்பினருக்கான நியமனங்கள் குறித்து தேர்தல்கள் ஆணைக்குழுவுக்கு தெரியப்படுத்தப்பட்டிருந்தது.

இதற்கமைய, 19 தேசியப் பட்டியல் உறுப்பினர்களின் விபரங்கள் அடங்கிய வர்த்தமானி அறிவிப்பை தேர்தல்கள் ஆணைக்குழு நேற்று வெளியிட்டுள்ளது.

இதன்படி, இலங்கை தமிழ் அரசுக் கட்சியின் சார்பில் அம்பாறை மாவட்டத்தைச் சேர்ந்த கலையரசன் தேசியப் பட்டியல் நாடாளுமன்ற உறுப்பினராக அறிவிக்கப்பட்டுள்ளார்.

அத்துடன் அகில இலங்கை தமிழ் காங்கிரசின் சார்பில் செல்வராஜா கஜேந்திரன் நாடாளுமன்ற உறுப்பினராக நியமிக்கப்பட்டுள்ளதாகவும் அறிவிக்கப்பட்டுள்ளது.

தமிழ்த் தேசியக் கூட்டமைப்பின் தேசியப் பட்டியல் ஆசனம் தொடர்பாக பங்காளிக் கட்சிகளுடன் கலந்தாலோசிக்காமல், அவசர அவசரமாக முடிவெடுக்கப்பட்டதாக குற்றச்சாட்டுகள் எழுந்திருந்தன.

அத்துடன், தேசியப் பட்டியல் ஆசனம் மாவை சேனாதராசாவுக்கே வழங்கப்பட வேண்டும் என்றும் கட்சிக்குள் வலியுறுத்தப்பட்டு வந்தது.

இந்த நிலையில், தேசியப் பட்டியல் ஆசனம் தொடர்பான முடிவை தேர்தல்கள் ஆணைக்குழுவுக்கு அறிவிப்பதை இடைநிறுத்தி வைக்குமாறுகூட்டமைப்பின் தலைவர் இரா.சம்பந்தன், தமிழ் அரசுக் கட்சியின் செயலாளருக்கு உத்தரவிட்டுள்ளதாக செய்திகள் வெளியாகியிருந்தன.

எனினும், நேற்று தேர்தல் ஆணைக்குழு வெளியிட்டுள்ள வர்த்தமானியில் தவராசா கலையரசன் தேசியப் பட்டியல் உறுப்பினராக அறிவிக்கப்பட்டுள்ளார் என்பது குறிப்பிடத்தக்கது.

Read More

Saturday, July 25, 2020

TamilLetter

தென்னிலங்கையின் தெரிவில், தெற்கு முஸ்லிம்களின் தீர்மானம்..!


சுஐப் எம்.காசிம் -

 

தென்னிலங்கை முஸ்லிம்களை வழி நடத்தும் பொறுப்புக்கள் இம்முறை பெரும் சர்ச்சைக்குள் மாத்திரமன்றி, சவால்களுக்கும் உள்ளாகப் போகின்றன. சிங்களப் பெருந்தேசியத்தின் எழுச்சிக்குள் வாழும் இப்பகுதி முஸ்லிம்களின் அரசியல் தீர்மானங்கள்ஏனைய சமூகங்கள் மத்தியில் சர்ச்சைசந்தேகங்களை ஏற்படுத்தாதிருக்க வேண்டும். இதுதான் இப்பிரதேசத்தின் இன்றைய தேவையுமாகும். இருபது இலட்சம் முஸ்லிம்களில் சுமார் 13 இலட்சம் பேர் வாழும் இந்தப் பிரதேசம் (தென்னிலங்கை), பொதுவாக முஸ்லிம் தனித்துவ அரசியலுடன் இயங்கிச் செல்ல முடியாத இயல்பு நிலையிலுள்ளது. இதனால்தான், ஶ்ரீ லங்கா முஸ்லிம் காங்கிரஸும் தென்னிலங்கை முஸ்லிம்களை தனித்துவ அரசியலில் விழிப்பூட்டுவது பற்றி பெருமளவு அக்கறையற்றிருந்ததோ தெரியாது.

 

இன அடையாள அரசியலுக்குள் உள்வாங்கப்படுமளவிற்கு தென்னிலங்கைத் தளத்தில் முஸ்லிம்கள் செறிவாக வாழவுமில்லைமட்டுமன்றி இவர்களின் ஒரிரு வாழ்வியல் நிலங்கள் தனி அடையாளமாகத் தென்பட்டாலும் சிங்களப் பெருந்தேசியத்துக்குள் இவை பெரும், தொடர்பரப்பாகவும் இல்லை. இதனால் இவர்களுக்கு இணக்க அரசியலே பொருத்தப்பாடாகி வருகிறது. அதற்காக ஏனைய பிரதேச முஸ்லிம்கள் ‘பிரிவினை கோருகிறார்கள்’ என்ற பொருளும் இல்லை. அடையாள அரசியலுக்கான சனச் செறிவு, அதிகார நிர்வாகங்களுக்கான நிலப்பரப்பு, கலாசாரத் தனித்துவங்களுக்கான கூட்டிணைவு வாழ்வு தென்னிலங்கையில் இல்லாதுள்ளதையே குறிப்பிடுகிறோம்.

 

ஆனால், புலிகளின் தோல்விக்குப் பின்னரான இன்றைய நிலைமையில் பொதுவாக உரிமை, அடையாள, தனித்துவ அரசியல் வீரியம், வேகம் குறைந்துள்ளதாகவும் சிலர் கருதுகின்றனர். சிங்களப் பெருந்தேசியத்தின் எழுச்சி இவ்வாறான கருதுகோளை ஏற்படுத்தியிருந்தாலும் சிறுபான்மையினரின் உரிமைகள் மழுங்கடிக்கப்படுவதற்கு இடமளிக்கப்படக் கூடாதென்ற நிலைப்பாட்டிலே தனித்துவ தலைமைகள் உள்ளன. எனினும், இதை மக்களிடம் கூறி, சமூகத்தை ஒன்றுபடுத்தும் விடயங்கள்கோஷங்கள், நடைமுறைகள், நிபந்தனைகளில் நிதானம் தேவைப்படுகிறது. "அம்பாறையை முஸ்லிம்கள் கோரினர், வடக்கை தமிழர்கள் கோரினர். இவற்றை வழங்காததற்காகவே 2015 இல் பழிவாங்கப்பட்டோம்". இதுதான் சிங்களப் பெருந்தேசியத்தை விழிப்பூட்டியஇன்னும் விழிப்பூட்டும் எழுச்சிப் பிரச்சாரம்.

 

தென்னிலங்கை முஸ்லிம்களைப் பொறுத்தவரை அவர்களுக்கு அரசியல் அடையாளத்தை விடவும் அபிவிருத்தி அரசியலே முதன்மைப்படுகிறது. இந்தத் தூர நோக்கில்தான் ஶ்ரீ லங்கா முஸ்லிம் காங்கிரஸின் எதிர்க்கட்சி அரசியல், 1994 ஆம் ஆண்டிலிருந்து ஆளுங்கட்சி சார்ந்ததாக மாறத் தொடங்கியதோ தெரியாது. இதில் சில வேளைகளில் எதிர்க்கட்சியில் இருக்க நேரிட்டாலும் பின்னர், ஆளுங்கட்சியில் அமரும் வரலாறுகள்தான் தொடர்கின்றன. ஆனால்நாட்டில் குறிப்பாக தென்னிலங்கை அரசியல் கலாசாரத்தில் ஏற்பட்டுள்ள ஒரு மாறுதல்இங்குள்ள சிறுபான்மை சமூகங்களுக்கு பெரும் தர்மசங்கடத்தை ஏற்படுத்தியுள்ளதை முஸ்லிம் தலைமைகள் உணராமலுமில்லை. “என்ன செய்வது அரசனுக்கு அஞ்சி ஆண்டவனைக் கோவிப்பதாபுருஷனுக்கு அஞ்சி பிள்ளைகளைக் கைவிடுவதா?” என்ற நிலைப்பாட்டில், அரசியல் செய்யும் நிலைமைக்கு தென்னிலங்கை முஸ்லிம் தளம் தள்ளப்பட்டுள்ளது.

 

ராஜபக்‌ஷக்களுக்கு விசுவாசமான முஸ்லிம் அமைப்புக்கள், தலைவர்கள், அரசியல்வாதிகள் என்போர் ஒப்பீட்டளவில், முஸ்லிம் தனித்துவ தலைமைகளை விடப் பலம் குன்றிக் காணப்பட்டாலும், அவர்களுக்குள்ள அதிகாரப் பின்புலங்கள் முஸ்லிம்களைத் தடுமாறச் செய்கிறது. இந்தத் தடுமாற்றம் வாக்குப் பெட்டிக்குள் விழுமாஇது காலம் சொல்ல வேண்டிய பதில். ஆத்மீக உணர்வுநம்பிக்கைசெயற்பாடுகளில் மிகக் கடுமையாகக் கட்டுண்டுள்ள முஸ்லிம் சமூகத்தின் சில எதிர்பார்ப்புக்கள், இந்த அரசாங்கத்தில் பொருட்படுத்தப்படவில்லை என்பதைத் தூக்கிப்பிடித்துத்தான் ஐக்கிய மக்கள் சக்திக்கு முஸ்லிம் வாக்குகள் திருப்பப்படவுள்ளன. ஆனால், இவ்விடயத்தில் முஸ்லிம் தனித்துவ தலைமைகள் பக்குவப் போக்குகளைக் கையாள வேண்டியுள்ளது.

 

மொட்டு அணியிலுள்ள முஸ்லிம் தரப்புக்கள்இனியும் ராஜபக்‌ஷக்களை விரோதித்துஎதிர்த்து இன்னும் நிலைமைகளைக் கெடுத்துக்கொள்ளக் கூடாதென எச்சரித்து வருகின்றன. இதில் எதைப் புரிந்துகொள்வது என்பதில் தென்னிலங்கை முஸ்லிம்கள் மிக ஆழமாகச் சிந்திக்கின்றனர். மொரட்டுவைப் பாலத்திலிருந்து மொனராகலை வரை விரியும் சிங்களச் சீமையும், களனிப் பாலத்தில் தொடங்கி பொலன்னறுவை வரை தொடரும் சிங்கள நிலத் தொடர்ச்சியும், இவற்றுக்கு மையமாகச் செல்லும் மலையகம் உட்பட கண்டியக் கலாசாரச் சூழல்களையும் முஸ்லிம்கள் இன்னும் புரிந்துகொள்ள வேண்டியுள்ளது. இந்தப் பெருமண்ணின் பெரும்பான்மை ஆசைகளுக்கு குறுக்காக நிற்பது, தங்களைக் குறிவைக்கலாமென்ற அச்சத்திலுள்ள முஸ்லிம்களும்எதுவாயினும் பரம்பரை, பாரம்பரிய அரசியல்தான் என்ற சிலரின் பிடிவாதங்களிலும்தான், இந்த தென்னிலங்கை முஸ்லிம் களம் இன்று வரை நகருகிறது.

 

இன்றைய சூழலில் உரிமை, அபிவிருத்திகளுடன் சமூகங்களை ஒறுமையாக வாழ வைப்பதும், புதிய அரசியல் பெறுமானங்களாக பரிணமிக்கின்றது. மேலும், இதிலும் தனித்துவம் விரும்பும் எதிரணி இதற்கு நிகரான செயற்பாடுகள்வேலைத் திட்டங்களூடாகவே களமிறங்க வேண்டுமே தவிர, இனச்சாயம், மதக்குரோதங்களூடாக இப்பணிகளை மழுங்கடிக்க முனைவது, தெற்கின் பெருந்தேசியத்தை மீண்டும் சீண்டுவதற்கான அடித்தளங்களாக அமையும் ஆபத்துக்களே உள்ளன.

 

புலிகள் வீழ்ந்தாலும், போரில் மடிந்தாலும் உரிமை, உறவு, உணர்வுக்கான அரசியல் சிந்தனைகளைத் தோற்கடிக்க முடியாதென்பது, இந்த அரசாங்கத்திற்கும் தெரியும். இதனால்தான், சிறுபான்மை சமூகங்களின் பிரச்சினைகளை பிரிதலின்றிய இணக்கப்பாடுகளில் தீர்த்துவைக்க ராஜபக்‌ஷக்கள் அழைப்பு விடுக்கின்றனர். எனவே, சாதிக்கச் சாத்தியமானவைகளில் சாமர்த்தியமாகவும்சாத்தியமற்றவைகளில் சார்ந்து செல்வதும்தான், சிறுபான்மையினரின் எஞ்சியுள்ள தேவைகளாகவுள்ளன. இந்தத் தேவைகள் முஸ்லிம்களைப் பொறுத்தவரை, பிரதேசத்துக்குப் பிரதேசம் வேறுபட்டதாகவே இருக்கப்போகிறது.

 

இந்திய அமைதிப்படை நாட்டை விட்டு வௌியேறுவதில், முஸ்லிம்களுக்கு இருந்த இரட்டை நிலைப்பாடுகளுக்கு ஒத்ததாகவே இது இருக்கிறது. அமைதிப்படையின் வௌியேற்றத்தை தென்னிலங்கை முஸ்லிம்கள் விரும்பியது, பெருந்தேசியத்தின் இணக்கத்திற்காக, அதேவேளை கிழக்கு முஸ்லிம்கள் விரும்பாதிருந்தது வட, கிழக்கின் பாதுகாப்பிற்காக என்பதையும் மனதிற்கொள்ள வேண்டியுள்ளது.

 

மேலும், கிழக்கில் முஸ்லிம்களுக்காக கோரப்படும் நிர்வாக மாவட்டம், தனியலகுக் கோரிக்கைகள், ஈஸ்டர் தாக்குதலின் பின்னரான சூழலில் தெற்கு முஸ்லிம்களை அச்சத்தோடும், தயக்கத்துடனும் பார்க்கும் நிலையை தோற்றுவித்துள்ளதாகவே தெரிகின்றது. இதுவும் ஒரே சமூகத்தின் தவிர்க்க முடியாத புறக்காரணங்களாகவே நோக்கப்படுகின்றன.  


Read More

Friday, July 24, 2020

TamilLetter

போராட்டங்களே என் அரசியல் வாழ்வாக மாறிவிட்டது” - மன்னார், உப்புக்குளத்தில் முன்னாள் அமைச்சர் ரிஷாட்! ஊடகப்பிரிவு -


 

‘போராட்ட காலத்திலேதான் எனது அரசியல் வாழ்வு ஆரம்பிக்கப்பட்டது. எனினும், போராட்டங்களாகவே எனது அரசியல் வாழ்வு மாறிவிட்டது’ என அகில இலங்கை மக்கள் காங்கிரஸ் தலைவரும் முன்னாள் அமைச்சருமான ரிஷாட் பதியுதீன் தெரிவித்தார்.

 

வன்னி மாவட்டத்தில், ஐக்கிய மக்கள் சக்தியில் போட்டியிடும் வேட்பாளர்களை ஆதரித்து, நகர சபைத் தலைவர் நஹுஸீன் தலைமையில், மன்னார்உப்புக்குளத்தில் நேற்று மாலை (23) இடம்பெற்ற தேர்தல் பிரச்சாரக் கூட்டத்தில் பங்கேற்று, உரையாற்றும்போதே அவர் மேற்கண்டவாறு கூறினார்.

 

தொடர்ந்து உரையாற்றிய முன்னாள் அமைச்சர் ரிஷாட்,

 

“19 வருட அரசியல் பயணத்தில், எல்லாக் காலமும் போராட்டத்துடனேயே நீச்சலடித்து வருகிறேன். உங்கள் ஊரான உப்புக்குளத்தில் ஓர் ஆர்ப்பாட்டம் நடந்தபோது, அது முடிந்த பின்னரேயே கொழும்பிலிருந்து நான் இங்கு வந்தேன். என்னுடன் முன்னாள் பாராளுமன்ற உறுப்பினர், ஹுனைஸ் பாரூக்கும் வந்திருந்தார். பிரச்சினைகள் முடிந்த பின்னர், நாம் இங்கு வந்த போதும், நடந்த அனைத்துப் பிரச்சினைகளையும் என்தலையில் கட்டி, நீதிமன்றப் படிக்கட்டுக்களை ஏற வைத்தார்கள். அங்கு கைகட்டி நிற்கும் நிலையை ஏற்படுத்தினார்கள் என்பதை நீங்கள் நன்கு அறிவீர்கள்.

 

அதேபோன்று, “வில்பத்துப் பிரச்சினை’ என்ற போர்வையில் என்னை பாடாய்ப்படுத்தி வருகிறார்கள். முசலிப் பிரதேசத்தில் உள்ள கரடிக்குளி, பாலைக்குளி, மறிச்சுக்கட்டியில் முன்னர் வாழ்ந்த மக்களை மீண்டும், அவர்களது சொந்தக் காணிகளில் குடியேற்றம் செய்ததற்காக, “வில்பத்துவை அழிக்கின்றேன்” என பிரச்சாரத்தைக் கட்டவிழ்த்துவிட்டார்கள். இனவாதத் தேரர்களால் ஆரம்பித்து வைக்கப்பட்ட இந்தப் பிரச்சார நாடகம், இன்று வரை என்மீதான வழக்குகளாக மாறி நீதிமன்றத்தில் உள்ளன. இவைதான் எங்களுக்கு எதிரான குற்றச்சாட்டுக்கள்.

 

எனது 19 வருட அரசியல் வாழ்வில், இதுவரை எந்த தனிப்பட்ட குற்றச்சாட்டு தொடர்பிலும், பொலிஸிலோ நீதிமன்றத்திலோ, முறைப்பாடோ வழக்குகளோ இல்லை. இந்த அரசாங்கம் தமது அதிகாரத்தைப் பயன்படுத்தி, பயங்கரவாதச் சம்பவத்துடன் என்னையும் தொடர்புபடுத்தி, விசாரணைகள் என்ற போர்வையில் அடிக்கடி அழைக்கின்றனர். இது தொடர்பில் பல நாட்கள், பல தடவைகள் விசாரிக்கப்பட்டும் பின்னர், இறுதியாக 10 மணித்தியாலம் விசாரிக்கப்பட்டேன். இப்போது மீண்டும் 27 ஆம் திகதி விசாரணைக்கு வருமாறு நீதிமன்ற உத்தரவு பெற்றிருக்கின்றார்கள்.

 

இவ்வாறுதான் எனது சகோதரர் ரியாஜ் பதயுதீனை “இரண்டு நாட்களில் விடுவித்து விடுவோம்” எனக் கூறி அழைத்துச் சென்றவர்கள், 100 நாட்கள் வரை நியாயமின்றி தடுத்து வைத்துள்ளனர். அதேபோன்று, எனது மற்றைய சகோதரர் ரிப்கான் தொடர்பில், பொய்யான வாக்குமூலம் ஒன்றை வழங்கிய முன்னாள் புலனாய்வு அதிகாரி ஒருவர், சஹ்ரான் தப்பிச் செல்வதற்கு அவர் உதவியதாகக் கூறினார். வாக்குமூலம் அளித்த அடுத்த நாள் மீண்டும் அந்த அதிகாரி சென்று, “அது ரிப்கான் அல்ல ரியாஜ் பதியுதீன்” என்று வாக்குமூலம் ஒப்புவிக்கின்றார். ஆனால், இந்தியாவுக்கு சஹ்ரான் போகவே இல்லை என்று இந்திய உளவுப்பிரிவு அறிவித்ததாக, முன்னாள் ஜனாதிபதி மைத்திரிபால சிறிசேன அண்மையில் கூறியுள்ளார்.

 

“உயிர்த்த ஞாயிறு தாக்குதலிலோ, வேறு எந்த பயங்கரவாத சம்பவத்துடனோ ரிஷாட் பதியுதீனுக்கு எந்தச் சம்பந்தமும் இல்லை” என, தற்போதிருக்கும் பொலிஸ்மா அதிபரே அப்போது பாராளுமன்றத் தெரிவுக்குழுவுக்கு, தனது கையெழுத்திட்டு அறிக்கை வழங்கினார். இப்போது, 15 மாதங்கள் கடந்த பின்னர், மீண்டும் என்னை விசாரணைக்கு வருமாறு, தேர்தல் காலத்தில் அழைப்பதன் நோக்கம்தான் என்ன?” என்றார்.  

 

இந்தக் கூட்டத்தில் வேட்பாளர்களான சட்டத்தரணி ஹுனைஸ் பாரூக், பகீரதன், ரஞ்சன் குரூஸ் ஆகியோரும் உரையாற்றினார். கட்சியின் கண்டி மாவட்ட அமைப்பாளர் ஹம்ஜாட், கண்டி மாவட்ட இணைப்புச் செயலார் ரியாஸ் இஸ்ஸதீன். குருநாகல் மாநகர சபை உறுப்பினர் அசார்தீன் உட்பட ஊர்ப்பிரமுகர்கள் பலரும் பங்கேற்றிருந்தனர்.    


--
Media office of Hon. Rishad Bathiudeen.
Former Minister of Industry & Commerce, Resettlement of Protracted Displaced Persons,  Co-operative Development & Skills Development.
Read More

Wednesday, July 8, 2020

TamilLetter

சட்டத்தரணி ஹரிஸ் அவர்களுக்கு ஏன் வாக்களிக்க வேண்டும்?

என் அன்பு உடன் பிறப்புக்களே அஸ்ஸலாமு அலைக்கும்

பௌத்த மேலான்மைவாதம் நாடு பூராகவும் தலைதூக்கி கொண்டிருக்கும் நிலையில் ஒரு பொதுத் தேர்தலை நாம் சந்தித்து கொண்டிருக்கின்றோம்.
பெரும்பான்மை சமூகத்தினருக்கு மத்தியில் ஜனாநாயத்தை தாண்டிய ஆதிக்கவாதம் இயல்பாகவே வேரூன்றியுள்ளதால் தேர்தல்கள் அவர்களை ஒரு போதும் திகைப்பில் ஆழ்த்துவதில்லை. அதற்கு மாறாக சிறுபான்மை முஸ்லிம் சமூகம் வாக்கு எனும் கூரிய ஆயுதத்தை பயன்படுத்துவதன் மூலமே வீரியத்துடன் நாம் எழுந்து நிற்க முடியும் என்பதில் எனது பலமான நம்பிக்கை.

முஸ்லிம் சமூகம் ஒற்றுமையாக ஒரே நேர் கோட்டில் பயணிக்க வேண்டுமென்பதற்காக முன்னாள் இராஜாங்க அமைச்சர் சட்டத்தரணி எச்.எம்.எம்.ஹரீஸ் மிகவும் அர்ப்பணிப்புடன் செயற்பட்ட போதும் பதவி மற்றும் சுகங்களை பாதுகாத்துக் கொள்வதற்காக புறப்பட்ட ஒரு சிலரால் அவரின் இந்த முயற்சி பலனின்றி போனது.
இருந்த போதும் சட்டத்தரணி ஹரிஸ் அவர்களினது சமூக ஒற்றுமைக்கான பயணம் தடைப்பட்டிருந்தாலும்  மக்களாகிய நாங்கள் ஒரு போதும் அவரின் தூர நோக்கான சிந்தனைகளுக்கும் தியாகங்களுக்கும் மதிப்பளித்தே வருகின்றோம் என்பதற்கு மக்களின் ஆதரவுத்தளம் புடம் போட்டு காட்டுவது மிக மகிழ்ச்சியான விடயமாகும். 
முஸ்லிம் தாயகம்இமுஸ்லிம் தேசியம் மற்றும் அரசியல் உணர்வுகளை இன மேலாதிக்க கருத்தியல் மூலம் துடைத்தெறிவதற்கான வேலைத்திட்டம் அதிகார வர்க்கத்தினால் ஏற்னவே அழகாக அரங்கேறிக் கொண்டிருக்கின்றது. 

அத்திட்டத்திற்கு வலுச்சேர்க்கும் முகமாக நம் மத்தியிலுள்ள சில அரசியல் வாதிகள் அவர்களோடு கைகோர்த்து செயற்படுவது பெரும் மனவேதனையை தருவதோடு நமது சமூகத்தின் வீழ்ச்சிக்கான தொடக்க புள்ளியாக அது உருமாறியுள்ளது. 
இலங்கை முஸ்லிம்களுக்கு அரணாகவும் பாதுகாப்பாகவும் இருந்து வருகின்ற அம்பாரை மாவட்ட முஸ்லிம் சமூகத்தின் ஒற்றுமையை சீர்குலைத்து எம்மை பலவவீனப்படுத்துவதன் மூலம் எமது தேசிய அடையாளத்தை இழக்கச் செய்வதே தேசியஇசர்வதேச சதி முயற்சியாகும்.

இப்படியான களச்சூழ்நிலையில் அம்பாரை மாவட்டத்தை பாதுகாப்பதற்கான போராட்டமாகவே இத் தேர்தலை நாம் உற்று நோக்க வேண்டும்.
அந்த வகையில் நமது சமூகத்தின் எதிர்கால இருப்பை தக்கவைப்பதற்கு ஒவ்வொரு கால கட்டத்திலும் நமது சமூகத்தின் நலனுக்காக களத்தில் நேரடியாக நின்று துணிவுடன் செயற்பட்ட ஒரு ஆளுமைமிக்க நபராக சகோதரன் ஹரிஸ் அவர்களை நான்  இங்கு காண்கின்றேன்.

சட்டத்தரணி ஹரிஸ் பிரதேசங்களை தாண்டிய சமூகத்தலைவராக தன்னை தொடர்ச்சியாக நிரூபித்து வருகின்றார் என்பதற்கு திகன கலவரம்இஅம்பாரை பள்ளி உடைப்புஇஅளுத்கம பிரச்சினைஇ ஹிஸ்புல்லா மற்றும் ரிஷாட் பதியூதீன்இஆசாத்சாலி போன்றவர்கள் பதவி விலக வேண்டுமென்ற பௌத்த தலைவர்களின் கோரிக்கை என முஸ்லிம் சமூகத்திற்கு எதிராக கொண்டுவரப்பட்ட அனைத்து பிரச்சினைகளின் போதும் தனிநபராக களம் கண்டு; போராடியவர் என்பதற்கு மக்களாகிய நீங்களே சாட்சியாவீர்.
எனவே இப்படியான ஆளுமையான சமூக சிந்தனையுள்ள ஊழலற்ற செயல் வீரன் சட்டத்தரணி ஹரீஸ் அவர்களை கட்சி அரசியலுக்கப்பால் வெற்றி பெற வைப்பது ஒவ்வொரு முஸ்லிம்களுடைய கடமையாகும் என்பதில் மாற்றுக் கருத்து இருக்க முடியாது.

ஆகவே சட்டத்தரணி ஹரீஸ் அவர்களின் தொலைபேசி சின்னத்துக்கும் ஒன்பதாம் இலக்கத்திற்கும் வாக்களித்து வெற்றி பெறச் செய்து நமது அடையாளத்தையும் நமது கௌரவத்தையும் பாதுகாப்போம்

- ஏ.எம்.பைறூஸ் 
- கல்முனை மாநகர சபை உறுப்பினர். 
Read More

Monday, July 6, 2020

TamilLetter

தவத்திற்கு வாக்களித்து விட்டு மற்றைய இரண்டு வாக்குகளையும் அளிக்க வேண்டும் - முன்னாள் அமைச்சர் உதுமாலெப்பை


தொலைபேசி சின்னத்துக்கு வாக்களித்து விட்டு முன்னாள் மகாகாண சபை உறுப்பினர் தவம் அவர்களின் ஐந்தாம் இலக்கத்திற்கு வாக்களித்து விட்டு ஏனைய இரண்டு வாக்குகளையும் ஏனைய இரண்டு வேட்பாளருக்கு வாக்களிக்க வேண்டும் என முன்னாள் மாகாண சபை உறுப்பினர் எம்.எஸ்.உதுமாலெப்பை தெரிவித்தார்.

அண்மையில்  அக்கரைப்பற்றில்  நடைபெற்ற தேர்தல் பிரச்சாரக் கூட்டத்தில் கலந்து கொண்டு உரையாற்றும் போதே இதனை இவ்வாறு தெரிவித்தார்.

அவர் தொடர்ந்து உரையாற்றுகையில் முஸ்லிம்களுக்கு எதிராக பல செயற்திட்டங்கள் அரங்கேறிக் கொண்டிருக்கின்றன.கொரனாவால் பாதிக்கப்பட்டு மரணித்த ஜனாஸாக்களை ஏரித்து முஸ்லிம்களுடைய மனங்களை புன்னாக்கி விட்டார்கள்.இந்த அரசுக்கு முஸ்லிம்கள் மீது அக்கறையிருந்தால் உடனடியாக சுற்று நிரூபத்தை நீக்க வேண்டும்.
ஆத்தோடு இந்த அரசாங்கத்துக்கு ஆதரவு வழங்குங்கள் என்று கூறுகின்றவர்கள் முஸ்லிம்களுக்கு நீதியை பெற்றுத்தந்துவிட்டு எங்களது ஆதரவை கேளுங்கள்.இங்கே யாரும் எம்.பியாகி அமைச்சராவது பிரச்சினையில்லை ஆனால் முஸ்லிம்களின் பாதுகாப்பும் சுய கௌரவமே முக்கியம் என அவர் மேலும் தெரிவித்தார்.

Read More

Friday, June 26, 2020

TamilLetter

தமிழ் சினிமாவின் முதல் இடம் யாருக்கு - பட்டியல் வெளியானது


தமிழ் சினிமாவை பொறுத்தவரை பாக்ஸ் ஆபிஸ் வசூல் என்பது மிக் முக்கியமான ஒன்றாக பார்க்கப்படுகிறது. அந்த வகையில் அதை வைத்தே நடிகர்களின் சம்பளம் நிர்ணயிக்கப்படும்.
இந்நிலையில் தமிழகத்தில் மிகப்பிரபலமான நடிகர்கள் யார் என்பதன் லிஸ்ட் தற்போது முன்னணி வட இந்திய ஊடகம் ஒன்று வெளியிட்டுள்ளது.
இதில் முதலிடத்தில் விஜய் இருக்க, இரண்டாம் இடத்தில் அஜித் உள்ளார். மூன்றாம் இடத்தில் சூர்யா உள்ளார்.
4ம் இடத்தில் தான் ரஜினியே இருக்கின்றார், இதோ அதன் முழு லிஸ்ட் உங்களுக்காக...
Read More

Thursday, June 18, 2020

TamilLetter

சட்டத்தரணி எச்.எம்.எம். ஹரீஸ் அவர்களுக்கு ஏன் வாக்களிக்க வேண்டும்? ஏ.எல்.நஸார் அக்கரைப்பற்று



ஊருக்கு எம்.பி என்ற கோசத்தை எழுப்பி முஸ்லிம் சமூகத்தை பாதாளத்தில் தள்ளுவதற்கு ஒரு சில சுயநலவாதிகள் தூபமிடுகின்றனர் என முஸ்லிம் தேசிய ஆய்வகத்தின் செயலாளர் ஏ.எல்.நஸார் தெரிவித்தார்.

அக்கரைப்பற்றில் நடைபெற்ற நிகழ்வில் கலந்து கொண்டு உரையாற்றும் போதே இதனை அவர் தெரிவித்தார். அவர் தொடர்ந்து கருத்து தெரிவிக்கையில்

தற்போது நடைபெற்றுக் கொண்டிருக்கின்ற பொதுத் தேர்தலில் தாம் வெற்றி பெற வேண்டுமென்பதற்காக பிரதேச வாதங்களை விசமாக கக்குகின்றனர். ஓவ்வொரு ஊருக்கும் எம்.பி தேவைப்படுகின்றதே தவிர சமூகத்திற்கான பிரதிநிதித்துவம் இங்கே மழுங்கடிக்கப்படுகின்றது.

அரசியல் வாதிகள்தான் பிரதேச வாதங்களை முன்வைக்கின்றார்கள் என்று பார்த்தால் அதற்கு மேலாக படித்த நல்ல சிந்தனையுள்ளவர்களும் பிரதேச வாதத்தை தூண்டி விடுகின்ற சந்தர்ப்பங்கள் அதிகமாகிக் கொண்டே வருகின்றது.

இந்த நாட்டில் மாறி மாறி ஆட்சிக்கு வந்த அரசாங்கத்தினால் பல நெருக்குவாரங்களுக்குள் எமது சமூகம் மாட்டிக் கொண்ட போது இதற்கெதிராக கிளர்ந்தெழுந்தவர் முஸ்லிம் காங்கிரஸின் பிரதித் தலைவர் சட்டத்தரணி எச்.எம்.எம். ஹரீஸ் என்பதை எல்லோருக்கும் நினைவுபடுத்த வேண்டியுள்ளது.

பெருந்தலைவர் அஷ்ரப் அவர்களின் மரணத்திற்கு பிற்பாடு தனிக்கட்சி தொடங்கிய ஒரு சிலர் தன்னை நிலை நிறுத்திக் கொள்வதற்காக முஸ்லிம் சமூகத்தை காட்டிக் கொடுத்தது மாத்திரமன்றி எம்மை குற்றவாளி கூண்டில் நிறுத்திய சம்பவங்கள் ஏராளம்.

கடந்த நல்லாட்சி அரசாங்கத்தில் யாரோ செய்த குற்றங்களுக்காக  தனது அமைச்சுப் பதவிகளை துறந்து சமூகத்தின் பாதுகாப்புக்காக கடைசிவரை போராடியவர் சட்டத்தரணி ஹரீஸ் அவர்கள்

முஸ்லிம்களையும்,முஸ்லிம் காங்கிரஸையும் தோற்கடிப்பதற்காக களமிறக்கப்பட்ட சுயநலவாதிகளின் தலைவன் ஒரு இக்கட்டான சூழ்நிலைக்குள் அகப்பட்ட போது முஸ்லிம் சமூகத்தை சார்ந்தவன் என்ற ஒரே ஒரு காரணத்திற்காக அவனுக்காக  பாராளுமன்றத்தில் முதலாவதாக எழுந்து நின்று தைரியமாக குரல் கொடுத்து காப்பாற்றிய வரலாற்று நாயகன் சட்டத்தரணி ஹரீஸ் என்பதையும்  சமூக துரோகிகளுக்கு சொல்லிக் கொள்ள விரும்புகின்றேன்.

அம்பாரை மாவட்டம் இலங்கை முஸ்லிம்களின் நிருவாக மாவட்டம் இக் கூற்றை இல்லாதொழிப்பதற்கான முயற்சிகள் கடந்த 15 வருடங்களாக நடந்தேறிக் கொண்டிருக்கின்றன. இதற்காகவே; இரண்டு அரசியல் விபச்சாரிகள் முகவர்களாக நியமிக்கப்பட்டு எமது பிரதேசத்தின் வாக்குகளை சூரையபட எத்தனிக்கின்றனர்.

அது மட்டுமா? கல்முனை மண் இன்று எதிரிகளின் கழுகுப் பார்வைக்குள் விழுந்திருக்கின்ற இச் சந்தர்ப்பத்தில் அவர்களுக்கு வாய்க்கால் வெட்டி கொடுப்பதற்கு எமது சமூகத்திலிருந்து ஒரு சிலர் முன்வந்திருப்பது அயோக்கித்தனமானது.

சுமார் 15 வருடங்களாக மறுக்கப்பட்டு வரும் நுரைச்சோலை வீட்டுத்திட்டம்,கரும்பு பயிர்ச் செய்கை நிலங்கள்,வட்டமடு விவசாய  காணிகள்,பொத்துவில் முகுதுமகா காணிப் பிரச்சினை என்பன தனிப்பட்ட அரசியல் இலாபங்களுக்காக தாரை வார்த்தது போல் மீதம் இருக்கின்றவற்றை புடுங்கி எடுப்பதற்கான மறுவடிவமே இத் தேர்தலில் தனித்து களமிறக்கப்பட்டமைக்கான பிரதான காரணமாகும்.

அண்மைக் காலமாக ஏற்பட்டு வருகின்ற சமூகத்திற்கு எதிரான சகல பிரச்சினைகளின் போதும் களத்தில் தன்னந் தணியாக நின்று தமது சமூகத்தின் இருப்புக்காக எதிரிகளின் முன் நெஞ்சை நிமிர்த்தி போராடிய ஒரு சமூகப் போராளி சட்டத்தரணி ஹரீஸ் அவர்களினால் மாத்திரமே மேற் குறிப்பிட்ட பிரச்சினைகளுக்கு தீர்வுகளை பெற்றுத்தர முடியும் என்பது நாடு பூராகவும் உள்ள முஸ்லிம்களின் நம்பிக்கை.

சமூகம் நசுக்கப்படும் அன்றைய பொழுதுகளில் எமக்காக குரல் கொடுக்க யார் வருவார்கள் என்று ஏக்கத்துடன் தவித்த பொழுது ஒடோடி வந்து கை கொடுத்தது சட்டத்தரணி  ஹரீஸ் எம்.பிதான் என்பதே பாதிக்கப்பட்டவர்களின் சாட்சியமாகவுள்ளது.

எனவே ஒரு வலிமையான எதிர்காலத்தை எமது சமூகம் எதிர்கொள்ள வேண்டிய துர்பாக்கிய றிலைக்குள் தள்ளப்பட்டுக் கொண்டிருக்கின்றோம் என்பதை மறந்து விடாதீர்கள்.

அடுத்த பாராளுமன்றம் சுகபோகம் அனுபவிக்கும் இடமாக இருந்த விடாது அங்கு கருத்தியல் யுத்தம் நடைபெறப் போகின்றது. அந்த களமுனைக்கு யாரை அனுப்ப வேண்டுமென்பதுதான் இப்போதைய ஆயிரம் ஆயிரம் கேள்விகள். இக் கேள்விகளுக்கு சட்டத்தரணி ஹரிஸின் பெயர் விடையாக மாறி உள்ளதை மறந்து விடாதீர்கள் என மேலும் தெரிவித்தார் ஏ.எல்.நஸார்.



Read More